ពិសេស! ក្រៅពី ចេន មានតារាចម្រៀងម្នាក់ទៀត ក៏ក្លាយជាសមាជិកថ្មីរបស់ក្រុមបាល់ទាត់បឹងកេតដែរ
- 2018-07-02 14:21:14
- ចំនួនមតិ 0 | ចំនួនចែករំលែក 0
ពិសេស! ក្រៅពី ចេន មានតារាចម្រៀងម្នាក់ទៀត ក៏ក្លាយជាសមាជិកថ្មីរបស់ក្រុមបាល់ទាត់បឹងកេតដែរ
ចន្លោះមិនឃើញ
មិនមែនមានតែតារាចម្រៀងលោក ចេន ម្ចាស់បទ "មនុស្សម្នាក់នេះសំខាន់នៅពេលណា" ម្នាក់ទេ ដែលចូលសមាជិកថ្មីក្រុមបាល់ទាត់បឹងកេត គឺនៅមានតារាចម្រៀងម្នាក់ទៀតនោះ គឺលោក ចាន់ ភក្ដី ហៅ Shutter ម្ចាស់បទ "អតីត" ក៏បានចុះកុងត្រា ជាសមាជិកក្នុងក្រុមបាល់ទាន់នេះដូចគ្នា។
លោក ចាន់ ភក្ដី ហៅ Shutter បានបង្ហើបឲ្យ Sabayដឹងថា លោកទើបតែចុះកុងត្រាជាមួយក្លឹបបាល់ទាត់បឹងកេតកាលពីប៉ុន្មានថ្ងៃមុននេះ និងទើបតែចូលហាត់នេះថ្ងៃនេះ ដើម្បីត្រៀមលក្ខណៈក្នុងការប្រកួត ដែលក្រុមនឹងរៀបចំឲ្យក្នុងពេលដ៏ខ្លីខាងមុខនេះ។
ម្ចាស់បទ "អតីត"រូបនេះ បានបន្តឲ្យដឹងថា ក្រៅពីអាជីពជាអ្នកសិល្បៈ និងថតរូប លោកគឺជាកីឡាករបាល់ទាត់ម្នាក់ផងដែរ ដោយការលេងរបស់លោក ភាគច្រើននៅតាមសាលារៀនកាលនៅរៀន។"ខាងក្លឹបគាត់ឃើញខ្ញុំលេងល្អ ហើយខ្ញុំជាតារាចម្រៀងអីចឹង គាត់ក៏ហៅចូល រឿងកុងត្រាជាមួយគ្នា មិនដឹងប៉ុន្មានឆ្នាំទេ " Shutter ថ្លែងបញ្ជាក់។
តាមការបញ្ជាក់ពីលោក Shutter ការចុះកុងត្រាជាមួយក្លឹបបឹងកេតនេះ គឺខាងក្លឹបមិនបានបិទសិទ្ធិលោក លើអាជីពសិល្បៈឡើយ គឺនៅតែបន្តបានរហូត ពេលទំនេរគឺអាច មកចូលហាត់ធម្មតាបាន។ លោកShutter បានលើកឡើងថា ខ្លួនមិននឹកស្មានថា អាចក្លាយជាសមាជិកក្នុងក្លឹបមានកេរ្តិ៍ឈ្មោះបែបនេះឡើយ ព្រោះកន្លងមកការលេងកីឡា របស់លោកគ្រាន់តែជាការហាត់ប្រាណ ដើម្បីសុខភាព និងការចូលចិត្តកីឡាប៉ុណ្ណោះ។
លោកបានប្ដេជ្ញាថា នឹងខិតខំប្រឹងឲ្យអស់ពីសមត្ថភាព លើអាជីពមួយនេះ មិនឲ្យថ្នាក់ដឹកនាំក្លឹបក៏ដូចជាសមាជិកក្នុងក្រុមទាំងអស់ អស់សង្ឃឹមលើលោកឡើយ៕