បេក្ខជនត្រូវការប្រើទូរសព្ទបន្ទាន់ពេលប្រឡងបាក់ឌុប មានករណីពិសេសអាចជួយបាន
- 2018-07-04 02:39:31
- ចំនួនមតិ 0 | ចំនួនចែករំលែក 0
បេក្ខជនត្រូវការប្រើទូរសព្ទបន្ទាន់ពេលប្រឡងបាក់ឌុប មានករណីពិសេសអាចជួយបាន
ចន្លោះមិនឃើញ
ក្នុងការប្រឡងមធ្យមសិក្សាទុតិយភូមិការប្រើប្រាស់ទូរសព្ទត្រូវបានហាមឃាត់ដាច់ខាត ដើម្បីបង្ការកុំឲ្យមានការលួចថតចម្លង បង្ហោះវិញ្ញាសា ឬប្រើប្រាស់ដើម្បីជាមធ្យោបាយជួយដល់ដល់ការប្រឡង។ ចំណែកឯអ្នកដែលមានសិទ្ធក្នុងការប្រើប្រាស់ គឺមានតែប្រធានមណ្ឌលតែម្នាក់គត់។ ដូច្នេះក្នុងករណីបេក្ខជនប្រឡង ត្រូវការប្រើទូរសព្ទបន្ទាន់ ក្រសួងបានអនុញ្ញាតឲ្យសុំទូរសព្ទដៃប្រធានមណ្ឌលនោះផ្ទាល់តែម្ដង។ នេះបើតាមប្រសាសន៍របស់ឯកឧត្ដម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ថ្លែងក្នុងសន្និសីទសារព័ត៌មានកាលពីថ្មីៗនេះ។
ក្នុងករណីពិសេសមួយទៀត មុនពេលដល់ម៉ោងប្រឡងបេក្ខជនទាំងអស់អាចយកទូរសព្ទផ្ញើ ជាមួយនឹងគណៈកម្មការរៀបចំការប្រឡង ដោយមានរៀបចំជាកេសមួយទុកដាក់ត្រឹមត្រូវ។ បេក្ខជនគ្រាន់តែសរសេរឈ្មោះជាប់ទូរសព្ទ ពេលមានការត្រូវប្រើ ឬក្រោយចប់ម៉ោងប្រឡងចង់ទំនាក់ទៅគ្រួសារ បេក្ខជនអាចមកយកទូរសព្ទរបស់ខ្លួនបាន។ រដ្ឋមន្ត្រីក្រសួងអប់រំ ថ្លែងបន្ថែម។
ឯកឧត្ដម ហង់ជួន ណារ៉ុន ក៏បានឲ្យដឹងទៀតថា ចំណែកឯគណៈកម្មការរៀបចំការប្រឡង ឬបេក្ខជន មានឡានចូលក្នុងមណ្ឌលប្រឡង យកទូរសព្ទដាក់ក្នុងឡាន ហើយចូលប្រើប្រាស់ក្នុងឡាន គឺមិនបានដាច់ខាត ពោលមានតែមនុស្សម្នាក់គត់អាចប្រើទូរសព្ទបាន មានតែប្រធានមណ្ឌលប៉ុណ្ណោះ។
ការប្រឡងមធ្យមសិក្សាទុតិយភូមិឆ្នាំ២០១៨ ដែលនឹងត្រូវប្រព្រឹត្តិទៅនៅថ្ងៃទី២០ ខែសីហាខាងមុខនេះ នឹងមានការចូលរួមទាំងសិស្សថ្នាក់វិទ្យាសាស្ត្រ និងសង្គម មានចំនួនសរុប ១១៧ ០៦១នាក់ និងមានមណ្ឌលប្រឡងចំនួន១៩៥មណ្ឌល ចែកចេញជា ៤ ៧១៦បន្ទប់ នៅរាជធានី-ខេត្តទូទាំង២៥ នៃព្រះរាជាណាចក្រកម្ពុជា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
