មិនធម្មតា! ចិន បង្កើតបានកាំភ្លើងឡាស៊ែរ ទុកបង្ក្រាបក្រុមបាតុករ
- 2018-07-04 04:01:45
- ចំនួនមតិ 0 | ចំនួនចែករំលែក 0
មិនធម្មតា! ចិន បង្កើតបានកាំភ្លើងឡាស៊ែរ ទុកបង្ក្រាបក្រុមបាតុករ
ចន្លោះមិនឃើញ
ក្រុមហ៊ុនចិនមួយ បានបង្កើតកាំភ្លើងបាញ់កាំរស្មីឡាស៊ែរ សម្រាប់សមត្ថកិច្ចប្រើប្រាស់ ក្នុងគោលបំណងដើម្បីបង្ក្រាបក្រុមបាតុករ ដោយការបាញ់ទៅលើឲ្យឆេះសក់ ឬ បដា នៅក្នុងចម្ងាយជិត ១គីឡូម៉ែត្រ។
ក្រុមហ៊ុន ZKZM បានឲ្យដឹងថា បើសិនជាបាញ់ចំមនុស្ស កាំរស្មីឡាស៊ែរ របស់កាំភ្លើងដ៏ទំនើបនេះ អាចបង្កការឈឺចាប់ខ្លាំង ប៉ុន្តែមិនបង្កឲ្យស្លាប់នោះទេ។
កាំភ្លើងឡាស៊ែរដែលមិនទាន់ត្រូវបានស្គាល់ឈ្មោះ មានទម្ងន់ ៣គីឡូក្រាម អាចបាញ់ចំគោលដៅដែលមានចម្ងាយឆ្ងាយបំផុត ៨០០ម៉ែត្រ ហើយកាំរស្មីឡាស៊ែរអាចឆ្លងកាត់កញ្ចក់និងវត្ថុផ្សេងៗដែលមានសភាពថ្លា។ គេអាចបំពាក់កាំភ្លើងនេះនៅលើរថយន្ត ទូក និងយន្តហោះបាន។
ក្រុមហ៊ុនខាងលើបានបន្តថា ពួកគេកំពុងស្វែងរកដៃគូ និងអាជ្ញាបណ្ណដើម្បីធ្វើការផលិតកាំភ្លើងនេះ ជាលក្ខណៈទ្រង់ទ្រាយធំ នាពេលខាងមុខ។
គួរបញ្ជាក់ថា កាលពីឆ្នាំ២០១៧ ក្រុមហ៊ុន Lockheed Martin នៅអាមេរិក ក៏ធ្លាប់បង្ហាញកាំភ្លើងឡាស៊ែរមួយប្រភេទដែលមានកម្លាំង ៦០គីឡូវ៉ាត់ ផងដែរ។ វាមានសមត្ថភាពក្នុងការប្រឆាំងនឹងកាំភ្លើងត្បាល់ និងដ្រូនធុនតូច៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អត្ថបទបន្ត៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
