កូនប្រុសមេដឹកនាំ ISIS ម្នាក់ ត្រូវបានសម្លាប់ក្នុងប្រទេស ស៊ីរី

2018-07-05 01:51:07
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនប្រុសរបស់មេដឹកនាំ ISIS ម្នាក់គឺលោក Abu Bakr al-Baghdadi ត្រូវបានសម្លាប់ក្នុងការប្រយុទ្ធគ្នាក្នុប្រទេស ស៊ីរី។ នេះបើតាមការអះអាងរបស់ក្រុមឧទ្ទាមខាងលើ។

(កូនប្រុសឈ្មោះ Hudhayfah al-Badri ដែលត្រូវបានសម្លាប់)

យោងតាមសេចក្តីថ្លែងការណ៍មួយរបស់ក្រុម ISIS ឲ្យដឹងថា Hudhayfah al-Badri ដែលជាកូនប្រុសម្នាក់ក្នុងចំណោមប្រាំនាក់របស់មេដឹកនាំ Baghdadi ត្រូវបានសម្លាប់ក្នុងការប្រយុទ្ធនៅស្ថានីយថាមពលកម្ដៅមួយក្នុងខេត្ត Homs ប្រទេសស៊ីរី។ ការប្រយុទ្ធនេះ ត្រូវបានធ្វើឡើងប្រឆាំងនឹងក្រុម Nussayriyyah និងរុស្ស៊ី។

គួរឲ្យដឹងថា ក្រុម ISIS បានចាប់ផ្ដើមបាត់បង់មូលដ្ឋានជាច្រើនក្រោយការវាយប្រហារផ្ទួនៗពីកងកម្លាំងស៊ីរី, អ៊ីស្រាអែល និងអាមេរិក ហើយឥឡូវនេះពួកគេកាន់កាប់តិចជាង ៣% ប៉ុណ្ណោះនៃទឹកដីរបស់ស៊ីរី។ ចំណែកឯមេដឹកនាំ លោក Baghadadi កំពុងត្រូវបានអាមេរិកតាមចាប់ខ្លួន និងប្រកាសផ្ដល់ប្រាក់ ២៥លានដុល្លារសម្រាប់អ្នកចាប់បុរសរូបនេះបានទៀតផង៕