សោកស្តាយ! អ្នកជ្រមុជទឹកថៃម្នាក់ ស្លាប់ពេលបំពេញភារកិច្ច ជួយក្មេងក្នុងរូងភ្នំ
- 2018-07-06 03:30:31
- ចំនួនមតិ 0 | ចំនួនចែករំលែក 0
សោកស្តាយ! អ្នកជ្រមុជទឹកថៃម្នាក់ ស្លាប់ពេលបំពេញភារកិច្ច ជួយក្មេងក្នុងរូងភ្នំ
ចន្លោះមិនឃើញ
អតីតអ្នកជ្រមុជទឹកនៃកងទ័ពជើងទឹកថៃម្នាក់ ដែលបានចូលរួមក្នុងប្រតិបត្តិការដើម្បីសង្គ្រោះក្មេងប្រុសទាំង ១២នាក់ រួមទាំងគ្រូបង្វឹករបស់ពួកគេ នៅក្នុងរូងភ្នំថាំហ្លួង នៃខេត្តឈៀងរ៉ាយ បានស្លាប់បាត់បង់ជីវិតនាព្រឹកព្រលឹមថ្ងៃសុក្រនេះ។
អតីតកងទ័ពជើងទឹកខាងលើ បានស្លាប់នៅវេលាម៉ោង ២ទៀបភ្លឺ ថ្ងៃសុក្រ ទី០៦ ខែកក្កដា ឆ្នាំ២០១៨ ដោយសារតែកង្វះខ្យល់អុកស៊ីហ្សែន ខណៈព្យាយាមវិលត្រឡប់មកកាន់ជំរុំវិញ ដែលស្ថិតនៅចម្ងាយ ២គីឡូម៉ែត្រក្នុងរូងភ្នំនោះ។
បើយោងតាមគេហទំព័រសារព័ត៌មានថៃ បានឲ្យដឹងថា ជនរងគ្រោះមានឈ្មោះថា Samarn Kunan អាយុ៣៨ឆ្នាំ។ លោក Kunan គឺជាអ្នកនាំយកបំពង់អុកស៊ីហ្សែនពីរូងទី៣ នៃរូងភ្នំខាងលើ។ លោកបានចាប់ផ្ដើមជ្រមុជទឹកនៅវេលាម៉ោងប្រហែល ៨ និង ៣០នាទីយប់។ ជាអកុសល តាមផ្លូវត្រលប់មកវិញ លោកក៏បានបាត់បង់ស្មារតីតែម្ដង ខណៈការជួយសង្គ្រោះក៏មិនបានសម្រេចទៀត៕