មុខងារតាមដានចង្វាក់បេះដូងលើ Apple Watch ល្អ តែបើភ្ជាប់ឧបករណ៍បន្ថែម កាន់តែច្បាស់លាស់

2018-07-08 04:25:25
ចំនួនមតិ 0 | ចំនួនចែករំលែក 0

ចន្លោះមិនឃើញ

មុខងារតាមដានចង្វាក់បេះដូងលើ Apple Watch អាចថាមានភាពត្រឹមត្រូវគ្រប់គ្រាន់ ជាទិន្នន័យបន្ថែម ពេលធ្វើលំហាត់ប្រាណ។ តែសម្រាប់អ្នកប្រើប្រាស់ចង់បានរបាយការណ៍ចង្វាក់បេះដូងកាន់តែច្បាស់ជាងនេះ ពេលនេះ Apple Watch ផ្ដល់វិធីអាចប្រើជាមួយឧបករណ៍ត្រួតពិនិត្យចង្វាក់បេះដូងក្រៅបាន។

ក្រុមហ៊ុន Fitness ដូចជា Polar និង Scosche ផ្ដល់ឧបករណ៍តាមដានចង្វាក់បេះដូងពាក់នឹងខ្លួនប្រើ Bluetooth ដោយភ្ជាប់ទៅនឹងទូរសព្ទ តែករណីនេះ គឺនាឡិកាវិញ។

ពេលទិញ គួរស្វែងរកខ្សែពាក់នោះមានប្រើបច្ចេកវិទ្យា Bluetooth ថ្មីៗ ទើបអាចប្រើជាមួយ Apple Watch បាន ដែលគួរសួរ ឬពិនិត្យមើលសៀវភៅណែនាំឲ្យច្បាស់សិន។

ការភ្ជាប់ប្រើ

បើអ្នកធ្លាប់ភ្ជាប់កាសទៅនឹង Apple Watch ដំណាក់ការគឺស្រដៀងគ្នា។ ដោយលើ Apple Watch បើកកម្មវិធី Settings > Bluetooth រួចរង់ចាំឲ្យនាឡិកាស្វែងរក Device រួចនឹងឃើញឧបករណ៍ចង់ភ្ជាប់ អាចចុចលើនោះបាន។

ពេល Device ទាំងពីរភ្ជាប់គ្នា ដោយខ្សែពាក់មានឧបករណ៍ត្រួតពិនិត្យចង្វាក់បេះដូងបានបើក និងភ្ជាប់ទៅកាន់នាឡិកា រាល់សកម្មភាពនៃការតាមដានចង្វាក់បេះដូង នឹងទាញចេញពីឧបករណ៍ភ្ជាប់នឹងខ្សែ ជៀសជាង Sensor លើនាឡិកា៕