ក្តៅៗ! ទីបំផុតគេជួយសង្គ្រោះបានក្មេង២នាក់ ចេញពីរូងភ្នំថាំហ្លួងហើយ (មានវីដេអូ)

2018-07-08 11:31:29
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងតាមសារព័ត៌មានថៃ ដែលបានចេញផ្សាយនាវេលាម៉ោង៦ល្ងាច ថ្ងៃអាទិត្យ ទី០៨ ខែកក្កដា ឆ្នាំ២០១៨នេះ បានឲ្យដឹងថា យ៉ាងហោចណាស់មានក្មេងប្រុសចំនួន ២នាក់ត្រូវបានគេជួយសង្គ្រោះ ចេញពីរូងភ្នំថាំហ្លួងបានដោយជោគជ័យហើយ។

នៅក្នុងជ័យជម្នះសម្រាប់បេសកកម្មដ៏សស្រាក់សស្រាំមួយនេះ ការរាយការណ៍ជាបឋមបាននិយាយថា ក្មេងប្រុសដែលមិនទាន់ត្រូវបានគេបញ្ចេញអត្តសញ្ញាណទាំង២ខាងលើ ត្រូវបានគេជួយសង្គ្រោះ និងអាចដើរចេញមកដោយខ្លួនឯង បន្ទាប់ពីជាប់នៅក្នុងរូងភ្នំខាងលើ អស់រយៈពេល១៦ថ្ងៃ។

គួរបញ្ជាក់ថា ក្មេងទាំង២នាក់ដែលមានជីវិតថ្លៃនោះ ម្នាក់បានដើរចេញមកនៅវេលាម៉ោង ៥ និង ៤០នាទីល្ងាច ឯម្នាក់ទៀតនៅវេលាម៉ោង ៥ និង ៥០នាទី។ បច្ចុប្បន្ននេះពួកគេកំពុងទទួលការត្រួតពិនិត្យ។ ទោះបីជាយ៉ាងណាក៏ដោយ មិនទាន់មានការប្រកាសជាផ្លូវការណាមួយឡើយ ខណៈរបាយការណ៍នេះទទួលបានពីកន្លែងកើតហេតុផ្ទាល់តែម្តង៕

ព័ត៌មានលម្អិត សប្បាយ នឹងធ្វើការចុះផ្សាយបន្តទៀត

សូមទស្សនាវីដេអូខាងក្រោម៖

ប្រភព៖ Khaosod English ប្រែសម្រួល៖ សេង ឡុង