ផ្លូវការ! Liverpool ចុះហត្ថលេខាយក Shaqiri
- 2018-07-14 00:57:05
- ចំនួនមតិ 0 | ចំនួនចែករំលែក 0
ផ្លូវការ! Liverpool ចុះហត្ថលេខាយក Shaqiri
ចន្លោះមិនឃើញ
ហង្សក្រហម Liverpool បានចុះហត្ថលេខាយក Xherdan Shaqiri ពី Stoke City ក្នុងតម្លៃ១៣លានផោន ដោយផ្ដល់កុងត្រារយៈពេល៥ឆ្នាំ។
ខ្សែបម្រើឆ្នើមសញ្ជាតិស្វីសគឺជាអ្នកស៊ុតបញ្ចូលទីច្រើនជាងគេឲ្យ Stoke City កាលពីរដូវកាលមុនចំនួន៨គ្រាប់ ប៉ុន្តែមិនអាចជួយក្រុមរក្សាជីវិតនៅ Premier League បន្តទៀតបាន។ កាលពីខែមិថុនា Shaqiri បានបង្ហើបថាខ្លួនមិនចង់លេងលីគលំដាប់ទីពីរទេហើយនឹងបន្តនៅលីគកំពូលបន្តទៀត។
កីឡាករវ័យ២៦ឆ្នាំដែលស៊ុតចូលស៊ែបជួយស្វីសឡើងវគ្គ១៦ក្រុម World Cup បានសម្រេចរើសយក Liverpool ជាទ្រនំថ្មីហើយបានធ្វើតេស្តសុខភាពជោគជ័យកាលពីថ្ងៃសុក្រម្សិលមិញ។ Shaqiri ដែលពាក់លេខ២៣ធ្លាប់ចង់មក Liverpool ដែលកាលពីឆ្នាំ២០១៤ប៉ុន្តែត្រូវ Bayern Munich ជាក្លឹបរបស់គេនាពេលនោះរារាំងការផ្ទេរ។
"កាលពីប៉ុន្មានឆ្នាំមុនខ្ញុំ ពិតជាចង់មកទីនេះប៉ុន្តែវាមិនអាចកើតឡើង។ ខ្ញុំពិតជារីករាយដែលទីបំផុតខ្ញុំអាចមកកាន់ Anfield។ ខ្ញុំចង់អភិវឌ្ឍខ្លួន លេងជាមួយក្លឹបល្អបំផុត និងឈ្នះពានរង្វាន់"។ តារាឆ្នើមសញ្ជាតិស្វីសនិយាយដូច្នេះ៕