ឈប់ឈឺក្បាលបើ iOS 11 នៅតែមានបញ្ហា មើលដំណោះស្រាយខាងក្រោមនេះ

2018-07-15 02:27:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ជិតមួយឆ្នាំ ហើយ Apple បានចេញជំនាន់ iOS 11 សម្រាប់អំបូរ iPhone និង iPad។ ឆាប់ៗនេះ នឹងអាចប្រើជំនាន់ iOS 12 សម្រាប់ឆ្នាំ ២០១៨។

បច្ចុប្បន្ន ជំនាន់ផ្លូវការចុងក្រោយគឺ iOS 11.4.1 ហើយនេះជាបញ្ហាកម្សត់កម្រ និងវិធីដោះស្រាយ។

បញ្ហា៖ ប៊ូតុងលើ Control Center គាំង មិនដំណើរការ។ ដំណោះស្រាយ៖ ចូលទៅកាន់ Settings > Control Center > Customize Controls ហើយលុបចោលកម្មវិធីគាំងមិនដើរ ពីផ្នែក Include ដោយចុចប៊ូតុងសញ្ញាដកពណ៌ក្រហម ក្បែរនឹងឈ្មោះកម្មវិធី។ បន្ទាប់មកបិទបើក Device។ ពេលបើកមកវិញ តម្រង់ទៅ Customize Controls រួចបន្ថែមកម្មវិធីបានលុបពីមុនមកវិញ ដោយចុចប៊ូតុងសញ្ញាបូកពណ៌បៃតងខាងឆ្វេងកម្មវិធីពីផ្នែក More Controls។

បញ្ហា៖ Device កើនកម្ដៅ ខុសធម្មតាត្រឹមប្រើកម្មវិធីធម្មតាៗ។ ដំណោះស្រាយ៖

បើកើនកម្ដៅ ពេលប្រើកម្មវិធីជាក់លាក់ណាមួយ គួរសម្រាកសិន ជាពិសេសហ្គេមប្រភេទ AR។
បិទ Location Services ដោយចូលទៅកាន់ Settings > Privacy > Location Service រួចចុចប៊ូតុងបិទ។ ក៏អាចបិទ Bluetooth ករណីមិនប្រើ ចូលទៅកាន់ Settings > Bluetooth ឬ ចុចអូសឡើងលើ Control Center ហើយចុចលើ icon Bluetooth។
អាចបិទកម្មវិធីកំពុងដំណើរការនៅ Background (ផ្ទៃខាងក្រោយ) ដោយចុចពីរដងលើប៊ូតុង Home រួចអូសផ្ទាំងកម្មវិធីនានាបានឃើញឡើងលើ។
បើ iPhone កើនកម្ដៅពេលសាកថ្ម ដកចេញភ្លាមរង់ចាំបន្តិចឲ្យត្រជាក់ រួចដោតសាកវិញ។
បើប្រើសម្បកទូរសព្ទ អាចដោះចេញសិន។

បញ្ហា៖ ភ្ជាប់ Wi-Fi មិនដំណើរការ ដំណោះស្រាយ៖

ប្រាកដថានៅជិតនឹង Router មានរលកសញ្ញាពេញគួរសម រួចពិនិត្យបណ្ដាញ Wi-Fi ដោយចូលទៅកាន់ Settings > Wi-Fi ពិនិត្យមើលប្រាកដថាភ្ជាប់បណ្ដាញត្រឹមត្រូវ។ បន្ទាប់មកសាកបិទបើក ទាំង Router និង iOS Device។
អាចចូលទៅកាន់ Settings > General > Reset > Reset Network Settings បញ្ចូលពាក្យសម្ងាត់ ដើម្បីធ្វើការសម្រួលបណ្ដាញ Network ធ្លាប់បានកំណត់ពីដំបូង។

បញ្ហា៖ កម្មវិធីប្រើមិនបានលើ iOS 11 ដោយសារកម្មវិធីជាប្រភេទ 32 bit ដំណោះស្រាយ៖

អាចពិនិត្យមើលកម្មវិធីណាជាប្រភេទ 32 bit ដោយចូលទៅកាន់ Settings > General > About > Applications ហើយបើកម្មវិធីប្រភេទ 32 bit បានដំឡើង នឹងឃើញប៊ូតុងសញ្ញាព្រួញនៅក្បែរ ចុចលើនោះ នឹងឃើញបញ្ជីកម្មវិធីមិនទាន់បានអាប់ដេត។
បើចូលដល់ Tab Applications ចុចលើនោះមិនឃើញផ្ទាំងអ្វីនោះទេ មានន័យថាមិនមានកម្មវិធីប្រភេទ 32 bit បានដំឡើងនោះឡើយ។

បញ្ហា៖ កម្មវិធីគាំង ឬបិទខុសប្រក្រតី ដំណោះស្រាយ៖

ចូលទៅកាន់ App Store និងចុចលើ Tab Updates អាចអាប់ដេតបាន បើមានកំណែទម្រង់លើកម្មវិធីមានបញ្ហានោះ។
លុប និងទាញយកមកវិញ ដោយចុចសង្កត់ឲ្យជាប់លើ icon កម្មវិធីចុចប៊ូតុងសញ្ញាខ្វែង រួចទាញយកពី App Store វិញ។

បញ្ហា៖ Touchscreen គាំង មិនដំណើរការ ដំណោះស្រាយ៖

ប្រាកដថាបានប្រើជំនាន់ iOS ចុងក្រោយ។
ពិនិត្យមើល 3D Touch Sensitivity bar ដោយចូលទៅកាន់ Settings > General > Accessibility > 3D Touch បើឃើញ Medium ឬ Firm setting គួរកំណត់ទៅជា Light ជំនួសវិញ។
បញ្ហានេះអាចកើតឡើងលើកម្មវិធីជាក់លាក់ណាមួយ ករណីនេះ គួរបិទកម្មវិធី ដោយចុចប៊ូតុង Home ពីរដង រួចអូសផ្ទាំងកម្មវិធីឡើងលើផុត និងបើកប្រើវិញ បើត្រូវការ។
អាចសាកបិទបើក Device។

បញ្ហា៖ មិនអាចចូលមើល App Store ដំណោះស្រាយ៖

ចូលទៅកាន់ General > Date & Time ចុចប៊ូតុងបិទ Set Automatically ហើយកំណត់កាលបរិច្ឆេទខ្លួនឯង។ នេះនឹងផ្លាស់ប្ដូរកាលបរិច្ឆេទលើ Tab Today នៅក្នុង App Store។ រួចចូលទៅកាន់ App Store ទុកចោល ៣ វិនាទី ត្រលប់ទៅ Date & Time ហើយចុចប៊ូតុងបើក Set Automatically។ បន្ទាប់មកបិទកម្មវិធី App Store និងបើកវិញ។
អាចបិទបើក Device។
អាចសាកបើក Mobile Data ដោយចូលទៅកាន់ Settings > Cellular > ចុចប៊ូតុងបើកត្រង់ Cellular Data ហើយពេលអូសចុះដល់ App Store ប្រាកដថាបានប៊ូតុងបានបើក ឬអាចសាកបិទបើក។

បញ្ហា៖ បញ្ជីទំនាក់ទំនង បែរជាបង្ហាញលេខទូរសព្ទជំនួសវិញ ដំណោះស្រាយ៖

ប្រាកដថាបានអាប់ដេតប្រើជំនាន់ iOS ចុងក្រោយ។
បិទបើកកម្មវិធី Message ចុចប៊ូតុង Home ពីរដង អូសផ្ទាំងកម្មវិធីឡើងលើផុត ហើយអាចសាកបិទបើក Device។
អាចចូលទៅកាន់ Settings > Contacts > Short Name ហើយចុចប៊ូតុងបិទ និងបើកវិញ។

បញ្ហា៖ Touch ID គាំងមិនដំណើរការ ដំណោះស្រាយ៖

ចូលទៅកាន់ Settings > Touch ID & Passcode រួចពិនិត្យមើលប្រាកដថា iPhone Unlock or iTunes & App Store settings បានបើក ហើយក៏ប្រាកដថាបានចុះឈ្មោះប្រើ Fingerprints។
បើបានចុះឈ្មោះ Fingerprint ហើយ អាចសាកប្រើម្រាមដៃផ្សេងទៀត ជាមួយជម្រើស Add a Fingerprint។
អាចសាកលុប ឬបើកប្រើ Touch ID fingerprint ម្ដងទៀត ដោយចូលទៅកាន់ Settings > Touch ID & Passcode ហើយបញ្ចូលពាក្យសម្ងាត់។ បន្ទាប់មកជ្រើសរើស Fingerprint ធ្លាប់មាន ចុច Delete Fingerprint អាចធ្វើដូចគ្នា លុបរាល់ Fingerprint បានប្រើ។ ហើយអាចចុច Add a Fingerprint ដើម្បីបន្ថែមថ្មី។

បញ្ហា៖ ស៊ីថ្មខ្លាំងលើ iPhone ចាស់ ដំណោះស្រាយ៖

អាប់ដេតប្រើជំនាន់ iOS ចុងក្រោយ ហើយត្រួតពិនិត្យមើលថ្ម ដោយចូលទៅកាន់ Settings > Battery > Battery Health (Beta)។ បើឃើញសារ Your battery is currently supporting normal peak performance ប្រហែលត្រូវពិចារណាប្ដូរថ្មថ្មីហើយ។
រកមើលកម្មវិធីដែលស៊ីថ្មខ្លាំងជាងគេ ដោយចូលទៅកាន់ Settings > Battery ហើយត្រង់ផ្នែក Battery Usage អាចដឹងពីភាគរយថាមពលថ្មកម្មវិធីបានប្រើប្រាស់ ងាយស្រួលគិតគូរលុប ឬទុក។

បញ្ហា៖ ស៊ីថ្មខ្លាំងក្រោយអាប់ដេតទៅកាន់ iOS 11.4 ដំណោះស្រាយ៖ បញ្ហានេះបានដោះស្រាយលើ iOS 11.4.1 ប្រាកដថាបានអាប់ដេតជំនាន់ iOS ចុងក្រោយ ដោយចូលទៅកាន់ Settings > General > Software Update បើមានជម្រើសអាប់ដេត អាចចុចលើ Download and Install។

បញ្ហា៖ QR Code ក្នុងកម្មវិធីកាមេរ៉ា អាចផ្ដល់នូវវេបសាយមានមេរោគ, ទទួលបានសារមានអក្សរពិសេសៗ ធ្វើឲ្យគាំងកម្មវិធី, សារ និងផ្ទាំង Notification បាត់ពី Lock screen, វាយអក្សរ I ចេញអក្សរ A, មិនអាចផ្ញើអ៊ីមែលជាមួយ Outlook ដំណោះស្រាយ៖ បញ្ហាទាំងនេះ គួរប្រាកដថាបានអាប់ដេតប្រើជំនាន់ចុងក្រោយ។

បញ្ហា៖ ពន្លឺអេក្រង់បើក តែ Device នៅងងឹត ដំណោះស្រាយ៖

ចូលទៅកាន់ Settings > General > Accessibility > Display Accommodations រួចនឹងឃើញចំណុច Reduce White Point នៅផ្នែកខាងក្រោម អាចចុចប៊ូតុងបើក និងកំណត់ឲ្យភ្លឺជាងនេះ ឬបិទមុខងារមិនប្រើ ៕