កូរ៉េខាងត្បូង កំពុងសាងក្រុងទំនើបមួួយចាយជាង ៤០ ពាន់លានដុល្លារ ពេលអភិវឌ្ឍចប់ដឹងតែអេម

2018-07-17 04:50:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលអ្នកស្រុក IBD (International Business District) ក្នុងក្រុង Songdo ប្រទេសកូរ៉េខាងត្បូងទៅធ្វើការ យកកូនៗដាក់សាលា ឬដើរទិញទំនិញ ការបើកបរប្រែក្លាយជារឿងមិនសំខាន់ទៀតឡើយ។ ជាមួយទំហំទឹកប្រាក់ ៤០ ពាន់លានដុល្លារ បានរចនាតំបន់មួយកាត់បន្ថយតម្រូវការចរាចរណ៍រថយន្ត។

គម្រោងចាប់ផ្ដើមកាលឆ្នាំ ២០០២ លើតំបន់សំខាន់ៗមួយចំនួន ហើយបញ្ចប់ពេញលេញត្រឹម ឆ្នាំ ២០២០ ស្ថិតនៅភាគពាយព្យប្រទេសកូរ៉េខាងត្បូង។

ក្នុងក្រុង Songdo ប្រទេសកូរ៉េខាងត្បូង ក្រុមហ៊ុន Gale International កំពុងកសាងតំបន់ International Business District។

ពីគម្រោងដំបូង អ្នកអភិវឌ្ឍន៍ដាក់គោលបំណងបង្កើតតំបន់ ដោយមិនប៉ះពាល់ដល់បរិស្ថាន។

យុទ្ធសាស្ត្រមួយ បានរចនាតំបន់ឡើង ដើម្បីកាត់បន្ថយតម្រូវការរថយន្ត។

មានផ្សារលក់រាយ ការិយាល័យ ចំណតនានា មន្ទីរពេទ្យ និងសាលា ទាំងអស់នេះនៅកៀកគ្នា។

អាគារមិនមែនលំនៅឋានភាគច្រើន មានគំលាតពីកន្លែងផ្សេងៗ។

ដីសម្រាប់កង់ធ្វើដំណើរចូលទៅតាមតំបន់ ភ្ជាប់ផ្លូវធំប្រហែល ១៤៤ គីឡូម៉ែត្រក្នុងក្រុង Songdo។

៤០% នៃតំបន់ទុកសម្រាប់កន្លែងលំហែកាយមានដើមឈើ ស្មៅ ជំរុញអ្នកស្រុកឲ្យដើរ។ ក្រុងមានភាពសាមញ្ញ និងធ្វើដំណើរដោយថ្មើរជើងបានងាយស្រួល។

IBD ជាផ្នែកធំមួយនៃការអភិវឌ្ឍន៍ ហៅថា Incheon Free Economic Zone ក្នុងក្រុង Songdo ជាការចង្អុលបង្ហាញដោយរដ្ឋាភិបាលកូរ៉េខាងត្បូង។

ពេលរដ្ឋាភិបាលចាប់ផ្ដើមគម្រោងក្រុង Songdo ក្នុងឆ្នាំ ២០០០ ខ្សាច់ ៥០០ តោន បានចាក់លើដីលិចទឹកធ្វើជាគ្រឹះ។ បច្ចុប្បន្ន លំនៅឋាន ២០ ០០០ ខ្នងស្ថិតក្នុងការសាងសង់ក្នុងតំបន់ IBD មានប្រជាជន ៥០ ០០០ ហើយប៉ាន់ប្រមាណអ្នកស្រុកប្រហែល ១០០ ០០០ នាក់រស់នៅក្រុងនេះ។

មិនមានធុងសំរាមនោះទេ តែជំនួសមកវិញនូវប្រព័ន្ធ Pneumatic ដោយអាចបម្លែងជាថាមពល និងកែច្នៃប្រើឡើងវិញ។

IBD មានអាគារច្រើនជាង ១០០ ដែលត្រូវបានទទួលស្គាល់ពី LEED ក្នុងការប្រើប្រព័ន្ធ Green Rating System។

ការអភិវឌ្ឍន៍គោលដៅសម្រាប់អាជ្ញាប័ណ្ណ LEED ហើយគម្រោងកែច្នៃប្រើទឹកឡើងវិញ ៤០%។

ក្រុង Songdo ផលិតឧស្ម័នផ្ទះកញ្ចក់ច្រើនជាង បើប្រៀបធៀបក្រុងដទៃទៀតទំហំដូចគ្នា។

មនុស្សប្រហែល ៧០ ០០០នាក់ធ្វើការនៅក្រុង Songdo។

តំបន់ IBD លាតសន្ធឹងប្រហែល ៦០ លានហ្វីតការ៉េ ហើយត្រឹមឆ្នាំ ២០២០ ទំហំអាចកើនពីរដង។

អ្នកអភិវឌ្ឍន៍ សង្ឃឹមថាក្រុងនេះនឹងក្លាយជាគំរូសម្រាប់ក្រុងដទៃជុំវិញពិភពលោក៕