កូយ ឡាយ៖ គេអ្នកនាំវ៉ៃកែងមុន អញ្ចឹងហើយកំដរតាមនឹងទៅ

2018-07-17 02:50:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ចិត្តសឿង កូយ ឡាយ ថា ការប្រកួតចាញ់ធ្លាក់ កាលពីថ្ងៃសៅរ៍កន្លងទៅនេះ គឺប្រើកែងច្រើនមែនទែន បើរាប់ទៅមិនតិចជាង២០កែងនោះឡើយ ជាលទ្ធផលមានអ្នកបែកមែន។

កីឡាករ កូយ ឡាយ

កូយ ឡាយ បានឲ្យដឹងថា សម្រាប់ជំនួបចាញ់ធ្លាក់ៗ នាជុំដំបូង៣២នាក់នេះ គឺពិតជាតឹងតែងណាស់ បើនិយាយពីការប្រើកែងវិញគឺច្រើន ហើយដើមចមដែលនាំឲ្យការប្រកួតនេះប្រើកែងច្រើនបែបនេះ ដោយសារដៃគូនាំមុន។ ការប្ដូរកែងទៅ ប្ដូរកែងមកនេះដែរ ធ្វើឲ្យ លាប សំណាង ដែលជាដៃគូរបួសបែកនៅចុងទឹកទី៣ នាពេលនោះផងដែរ។

កូយ ឡាយ(ខៀវ)

សិស្សប្អូនរបស់ ឡៅ ចន្រ្ទា ខាងលើបន្តថា រូបគេសង្ឃឹមថានឹងបានឡើងដល់ពាក់កណ្ដាលផ្ដាច់ព្រ័ត្រ ឬវគ្គផ្ដាច់ព្រ័ត្របន្តទៀត ព្រោះជឿជាក់លើសមត្ថភាពរបស់ខ្លួន ហើយក៏ប្ដេជ្ញាខំប្រឹងប្រែងហ្វឹកហាត់បន្ថែមទៀត។ អ្នកប្រដាល់ដើមកំណើតមកពីខេត្តតាកែវ ម្នាក់នេះក៏មើលឃើញចំណុចដែលត្រូវពង្រឹងបន្ថែមទៀតដែរ គឺជំហរ ស្នៀតចាក់ជង្គង់ និងកម្លាំង។

កូយ ឡាយ(ខៀវ)

កូយ ឡាយ ជាអ្នកប្រដាល់មកពីក្លឹបឆត្រយោង ៩១១ ជាសិស្សរួមគ្រូជាមួយ ឡៅ ចន្រ្ទា ឡៅ ចិត្រា រឿង សារ័ត្ន អ៊ុង វិរៈ ព្រំ សំណាង ជាដើម។ ឥលូវកីឡាកររូបនេះបានឡើងទៅជុំទី២ វគ្គ១៦នាក់ចុងក្រោយនៃពានរង្វាន់ TV5 ក្រោយយកឈ្នះ លាប សំណាង ដោយពិន្ទុកាលពីថ្ងៃសៅរ៍ ទី១៤ ខែកក្កដា ២០១៨៕

វីដេអូសម្ភាស៖