អរុណា ច័ន្ទរាជ្យ ឡើងសង្វៀនលើកទី១ ស្គាល់កណ្ដាប់ដៃចូលមុខពេញៗ

2018-07-17 09:06:35
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនចម្រុះថ្មីចែស អរុណា ច័ន្ទរាជ្យ ឡើងប្រកួតលើកទី១នៅឯប្រទេសថៃ ស្គាល់ហើយមួយដៃៗពេញផ្ទៃមុខ និងទទួលបានបទពិសោធច្រើន ហើយមិនរត់ចោលសង្វៀនប្រដាល់នោះឡើយ ប្ដេជ្ញាខំប្រឹងបន្ត។

កីឡាករ អរុណា ច័ន្ទរាជ្យ

អរុណា ច័ន្ទរាជ្យ បានប្រាប់ឲ្យដឹងថា បទពិសោធលើកទី១ ដែលប្រកួតដាក់ទ្រុងនៅឯប្រទេសថៃកាលពីដើមខែកក្កដា ឆ្នាំ២០១៨នេះ ពិតជាទទួលបានច្រើនមែន អារម្មណ៍នៅពេលដៃគូវ៉ៃចូលពេញៗមុខ ដឹងពីចំណុចខ្សោយនានាដែលខ្លួនត្រូវពង្រឹងបន្ថែម។

អរុណា ច័ន្ទរាជ្យ ពេលគេឲ្យចាញ់ដំបូង

កីឡាករវ័យ២២ឆ្នាំខាងលើបន្តថា បើទោះជាធ្វើមិនបានល្អនៅប្រកួតដំបូងមែនពិត ប៉ុន្តែមិនដែលមានគំនិតបោះបង់សង្វៀន ឬឈប់ពីប្រដាល់នោះឡើយ ព្រោះអីជាប្រភេទកីឡាដែលខ្លួនស្រឡាញ់តាំងពីតូច។ កូនសិស្សលោកគ្រូ ហ៊ុន ច័ន្ទរាជ្យ ខាងលើ ប្ដេជ្ញាតស៊ូខំប្រឹងប្រែងហ្វឹកហាត់ជាបន្តទៀតដើម្បីបានឱកាសប្រកួតក្រោយៗទៀត។

អរុណា ច័ន្ទរាជ្យ អាវក្រហម

អរុណា ច័ន្ទរាជ្យ ជាកូនសិស្សរបស់លោកគ្រូ ហ៊ុន ច័ន្ទរាជ្យ នៃក្លឹបប្រដាល់ Cambodian Top Team ការប្រកួតលើកទី១របស់គេធ្វើឡើងនៅឯប្រទេសថៃ ក្នុងកម្មវិធី Big Box Beatdown(BBB) ដោយទទួលបានជ័យជម្នះដោយដៃគូប្រកួតខុសលក្ខន្តិកកាលពីថ្ងៃទី៧ ខែកក្កដា ឆ្នាំ២០១៨៕

អត្ថបទ៖ នួន ស៊ីណា