ចប់ការប្រឡងឆមាសលើកទី២ សិស្សថ្នាក់សង្គមម្នាក់ ទុកចម្លើយលើគីមីវិទ្យាយ៉ាងចាក់ដោត
- 2018-07-18 10:01:10
- ចំនួនមតិ 0 | ចំនួនចែករំលែក 0
ចប់ការប្រឡងឆមាសលើកទី២ សិស្សថ្នាក់សង្គមម្នាក់ ទុកចម្លើយលើគីមីវិទ្យាយ៉ាងចាក់ដោត
ចន្លោះមិនឃើញ
ការប្រឡងឆមាសលើកទី២ សម្រាប់សិស្សានុសិស្សថ្នាក់ទី១២ទូទាំងប្រទេសត្រូវបានបញ្ចប់ហើយ។ អ្វីដែលកំពុងតែធ្វើឲ្យគ្រប់គ្នាមានការភ្ញាក់ផ្អើលនោះ គឺសិស្សថ្នាក់សង្គមម្នាក់បានបន្សល់ទុកកំណាព្យមានអត្ថន័យស៊ីជម្រៅ នៅលើក្រដាសកិច្ចការគីមីវិទ្យា។ សិស្សម្នាក់មិនស្គាល់អត្តសញ្ញាណរូបនោះបានសរសេរយ៉ាងចាក់ដោតថា៖ ជាសិស្សសង្គម គំនិតល្ងឹតល្ងង់ សូមអធ្យាស្រ័យ រូបមន្តគីមីមិនចេះឡើយក្រៃ សូមអធ្យាស្រ័យពីសិស្សសង្គម។ នេះមិនមែនជាលើកទី១ឡើយកន្លងមកក៏ធ្លាប់មានសិស្សប្រឡងឆមាស ឬថ្នាក់ជាតិ ធ្លាប់សរសេរចម្លើយន័យចាក់ដោយទុកឲ្យគណៈមេប្រយោគជាអនុស្សាវរីយ៍ផងដែរ។
សូមជម្រាបជូនថា ការប្រឡងមធ្យមសិក្សាទុតិយភូមិឆ្នាំ២០១៨ ដែលនឹងត្រូវប្រព្រឹត្តិទៅនៅថ្ងៃទី២០ ខែសីហាខាងមុខនេះ នឹងមានការចូលរួមទាំងសិស្សថ្នាក់វិទ្យាសាស្ត្រ និងសង្គម មានចំនួនសរុប ១១៧ ០៦១នាក់ និងមានមណ្ឌលប្រឡងចំនួន១៩៥មណ្ឌល ចែកចេញជា ៤ ៧១៦បន្ទប់ នៅរាជធានី-ខេត្តទូទាំង២៥ នៃព្រះរាជាណាចក្រកម្ពុជា។
ការប្រឡងនេះ នឹងត្រូវប្រកាសលទ្ធផលនៅតាមមណ្ឌលប្រឡងនីមួយៗ នៅរសៀលថ្ងៃទី១១ ខែកញ្ញា ឆ្នាំ២០១៨ សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្ដាល។ ចំណែកឯនៅតាមមណ្ឌលប្រឡងខេត្តផ្សេងៗទៀត នៅថ្ងៃទី ១២ ខែកញ្ញា ឆ្នាំ២០១៨៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
