ខំទ្រាំចាំឡើងយូរ OPPO Find X លេចមុខព្រឹកមិញ Idol ទាំង៣ថាតម្លៃវិញក៏មិនធម្មតាដែរ
- 2018-07-20 08:09:43
- ចំនួនមតិ 0 | ចំនួនចែករំលែក 0
ខំទ្រាំចាំឡើងយូរ OPPO Find X លេចមុខព្រឹកមិញ Idol ទាំង៣ថាតម្លៃវិញក៏មិនធម្មតាដែរ
ចន្លោះមិនឃើញ
ក្រោយពីរង់ចាំម៉ូដែលត្រកូលFind របស់OPPO អស់រយៈពេល៤ឆ្មាំមកនេះ ទីបំផុតវាបានមកដល់ខ្មែរហើយ ដោយព្រឹកមិញ OPPO បានធ្វើការប្រកាសការមកដល់ Find X នៅឯសណ្ឋាគារ The Great Duke Cambodia។
អ្នកតំណាងទាំង៣ ដូចជា អ្នកនាង ពេជ្រ សោភា លោក Step កញ្ញា រ៉េត សូហ្សាណា ក៏មានវត្តមានដែរ ក្នុងនោះក៏មានតារាល្បីៗផ្សេងទៀតដូចជា លោក ជា វណ្ណារិទ្ធ កញ្ញា ហ៊ិន ច័ន្ទនិរ័ត្ន លោក ឆឹម សក្កដា ព្រមទាំងភ្ញៀវកិត្តិយសជាច្រើនទៀត។
OPPO Find X នឹងមាននៅទីផ្សារខ្មែរនៅថ្ងៃ ៥ សីហា ឆ្នាំ២០១៨ក្នុងតម្លៃ ៨៩៩ដុល្លារ ហើយវាមានពីរពណ៌សម្រាប់ជ្រើសរើស គឺ Bordeaux Red(ពណ៌ក្រហម)និង Glacier Blue(ពណ៌ខៀវ) ក្រុមហ៊ុននឹងបន្ថែមកាដូជាស៊ុមរូបថតឌីជីថលដ៏ទាន់សម័យមួយផងដែរ។ ចំណែក OPPO Find X Automobili Lamborghini Editionនឹងមិនមានលក់នៅក្នុងទីផ្សារកម្ពុជាឡើយ។
ការបង្កប់កាមេរ៉ានេះដែរធ្វើឲ្យផ្នែកខាងក្រោយរបស់ Find X មានភាពរលោងស្អាត គ្មានចំណុចរំខាន។ Find X រចនាដោយប្រើ 3D Glass ទាំងមុខ ទាំងក្រោយ មានអេក្រង់ទំហំ ៦,៤ អ៊ីញជាប្រភេទ OLED មានវិមាត្រ 19.5:9 និងកម្រិតលាតផ្ទៃអេក្រង់ធំដល់ទៅ ៩៣,៨% ហើយផ្ទៃគែមខាងក្រោមទូរសព្ទមានកម្រាស់ត្រឹមតែ 3.4mm តែប៉ុណ្ណោះ។ លើអេក្រង់មិនមានទ្រនាប់ស្កេនម្រាមដៃឡើយ ហេតុនេះត្រូវពឹងផ្អែកលើការការពារដោយស្កេនមុខ ឬ លេខសម្ងាត់។
កាមេរ៉ាក្រោយរបស់ Find X មានគួបផ្សំដោយកាមេរ៉ាមេទំហំ ១៦ MP លាយនឹងកាមេរ៉ាទីពីរទំហំ ២០ MP។ ចំណែកកាមេរ៉ាមុខមានកម្រិតដល់ ២៥ MP និងអាចថតរូបភាព Selfie បែប 3D ទៀតផង។
ស្មាតហ្វូននេះប្រើបន្ទះឈីប Snapdragon 845, មាន RAM ទំហំ ៨ GB និងអង្គផ្ទុកទិន្នន័យទំហំ ២៥៦ GB។ ថ្មមានទំហំ ៣៧០០ mAh ទ្រាំទ្រនឹងការសាកបញ្ចូលថ្មបានលឿន និងប្រើប្រាស់ប្រព័ន្ធប្រតិបត្តិការ Android 8.1 Oreo៕