ចង់ទៅនៅអាមេរិកមួយគ្រួសារមិនពិបាក គ្រាន់តែត្រូវការចំនួនទឹកប្រាក់វិនិយោគ
- 2018-07-20 09:28:42
- ចំនួនមតិ 0 | ចំនួនចែករំលែក 0
ចង់ទៅនៅអាមេរិកមួយគ្រួសារមិនពិបាក គ្រាន់តែត្រូវការចំនួនទឹកប្រាក់វិនិយោគ
ចន្លោះមិនឃើញ
Hall Group ក្រុមហ៊ុនល្បីល្បាញនៅសហរដ្ឋអាមេរិក បង្កើតឡើងតាំងពីឆ្នាំ១៩៦៨ ពេលនេះបានប្រកាសរើសអ្នកវិនិយោគពីប្រទេសកម្ពុជាហើយ លើគម្រោង Hall Arts Hotel និង Residence នៅទីក្រុង Dallas រដ្ឋ Texas ដោយអ្នកចាប់អារម្មណ៍ត្រូវមានទឹកប្រាក់យ៉ាងតិច ៥០ម៉ឺនដុល្លារ នឹងអាចទៅរស់នៅបានមួយគ្រួសារតែម្ដង។
ម្យ៉ាងអ្នកក៏អាចដកប្រាក់វិញបានទាំងអស់ នៅ ៣ឆ្នាំក្រោយ ប្រសិនបើអ្នកមិនចង់វិនិយោគបន្ត ហើយអ្នកក៏នៅតែមានសិទ្ធិអាចរស់នៅអាមេរិកក្នុងទីក្រុងណាមួយក៏បាន។
កញ្ញា លី ហួយ អ្នកគ្រប់គ្រង OC Consultancy Service Co., Ltd ក្រុមហ៊ុនទទួលបានសិទ្ធិរៀបចំបញ្ជូនអ្នកចាប់អារម្មណ៍គម្រោងខាងលើ បាននិយាយថា៖ "Hall Arts Hotel និង Residence ជាគម្រោងធំមួយរបស់ Hall Group នៅអាមេរិក មានប្រវត្តិ ៥០ឆ្នាំមកហើយ ដោយកាលពីមុនគេបើកឲ្យតែប្រទេសផ្សេងៗចូលវិនិយោគ នេះជាគម្រោងទី ១ ដែលបើកឲ្យអ្នកវិនិយោគខ្មែរ អ៊ីចឹងសម្រាប់អ្នកមានលុយនៅខ្មែរយើង ឲ្យតែគាត់មានយ៉ាងតិច ៥០ម៉ឺនដុល្លារ សម្រាប់បណ្ដាក់ទុន ៣ឆ្នាំ គាត់អាចទៅនៅបាន ១០០% នៅទាំងគ្រួសារតែម្ដង សម្រាប់ការសិក្សា ការងារ ជំនួញ ឬលំហែពេលចូលនិវត្តន៍ ឲ្យតែកូនៗគាត់អត់ទាន់រៀបការ ម្យ៉ាងបើផុត ៣ឆ្នាំ គាត់ចង់ដកទុនវិញក៏អត់បញ្ហា"។
កញ្ញា លី ហួយ បានបន្ថែមថា សម្រាប់អ្នកដែលចាប់អារម្មណ៍ ពេលសម្រេចចិត្តអស់ហើយ ខាង OC Consultancy នឹងមានមេធាវីរៀបចំច្បាប់ជាផ្លូវការ ឬក៏អាចអញ្ជើញមេធាវីផ្ទាល់ខ្លួនរបស់អ្នកក៏បាន។
ជាក់ស្ដែង Hall Group បានជោគជ័យការសាងសង់អគារ KPMG Plaza ដែលដូចគម្រោងខាងលើ ដោយមានអ្នកចូលរួមមកពីបណ្ដាប្រទេសផ្សេងៗប្រមាណ ១៣០នាក់ ហើយពេលនេះអ្នកទាំងនោះក៏កំពុងរស់នៅសហរដ្ឋអាមេរិកផងដែរ។
សម្រាប់ព័ត៌មានបន្ថែម ទាក់ទងលេខទូរសព្ទ 096 55 22 915/ 012 883 215 អ៊ីម៉ែល chhaivornlihouy@gmail.com វិបសាយ www.hallarts.com ឬទៅដល់ទីតាំងផ្ទាល់នៅវិមានកាណាឌីយ៉ា ជាន់ទី ១៨ ផ្លូវអង្គដួង កែងមហាវិថីព្រះមុនីវង្ស៕