អ្នកប្រើ iPhone X តិចអត់ដឹងថា Emoji ទើបចេញថ្មីជាង ៧០ ឯណោះ

2018-07-22 03:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បញ្ចេញ Emoji ថ្មីចំនួន ៧០ មានលើ iOS ក្នុងឆ្នាំនេះ តែ Siri បច្ចុប្បន្ន បាត់បង់មេ ខណៈទិន្នន័យ iCloud ប្រទេសចិន ជាអ្នកគ្រប់គ្រងសម្រាប់អ្នកប្រើប្រាស់ក្នុងប្រទេស។

Emoji ថ្មីមានម៉ូដសក់ប្លែកៗ ពណ៌សក់ថ្មី អាហារ ដូចជាសាឡាត់ ស្វាយ នំខេក និងមានច្រើនទៀត ទាក់ទងនឹងកីឡា និមិត្តសញ្ញា និងគ្រឿងអលង្ការ។

វ័យ ៥៩ឆ្នាំ លោក Tom Gruber ជាសហស្ថាបនិក Siri ចុងក្រោយចំណោមបីនាក់ នៅក្រុមហ៊ុន Apple បានចូលនិវត្តន៍ពីតួនាទីជាអ្នកដឹកនាំក្រុមអភិវឌ្ឍន៍ជាន់ខ្ពស់ Siri។ អតីតអ្នកដឹកនាំ AI និងផ្នែកស្រាវជ្រាវនៅ Google លោក John Giannandrea ត្រូវបានជួលបន្តដើម្បីពង្រឹងបន្ថែមលើការងារនេះ ដោយសង្ឃឹមពង្រីកសក្ដានុពល Siri កាន់តែត្រឹមត្រូវ និងងាយស្រួល។

ច្បាប់ប្រទេសចិនថ្មី តម្រូវឲ្យសេវាកម្ម Cloud សម្រាប់ប្រជាជនចិន ត្រូវគ្រប់គ្រងដោយក្រុមហ៊ុនចិន។ ទិន្នន័យអតិថិជនក្នុងប្រទេសចិន ក៏ត្រូវរក្សាទុកក្នុងប្រទេសផងដែរ។ ក្នុងនោះរួមមានទាំងទិន្នន័យ iCloud របស់ Apple ដែរ។ China Telecom ជាក្រុមហ៊ុនគ្រប់គ្រងទិន្នន័យអ្នកប្រើប្រាស់ iPhone ជនជាតិចិន ប្រមាណច្រើនជាង ១៣០ លាននាក់។ បើជនបរទេសរស់នៅប្រទេសចិន ប្រហែលត្រូវរកអ្វីផ្សេងដើម្បី Backup ទិន្នន័យ iPhone ហើយ៕