Neymar បកស្រាយរឿងគេរិះគន់ប្រកាច់រមៀលពេញទីលាន
- 2018-07-22 03:08:46
- ចំនួនមតិ 0 | ចំនួនចែករំលែក 0
Neymar បកស្រាយរឿងគេរិះគន់ប្រកាច់រមៀលពេញទីលាន
ចន្លោះមិនឃើញ
កីឡាករប្រេស៊ីលត្រូវបានគេរិះគន់យ៉ាងខ្លាំងបន្ទាប់ពីធ្វើពុតឈឺប្រកាច់រមៀលពេញទីលាន។ បន្ទាប់ពីស្ងាត់មួយរយៈធំ ពេលនេះតារាឆ្នើម PSG បានចេញមុខបកស្រាយ។
Neymar បានប្រាប់ AFP ថា "មនុស្សឆាប់នាំគ្នារិះគន់អ្នកដែលមានកំហុស ប៉ុន្តែមិនរិះគន់អ្នកដែលនាំឲ្យប្រព្រឹត្តកំហុសឡើយ"។
“ខ្ញុំមក World Cup ដើម្បីលេងបាល់ ដើម្បីផ្តួលគូប្រកួត មិនមែនមកឲ្យគេទាត់ទេ។ ការរិះគន់មកលើខ្ញុំគឺជាការនិយាយបំផ្លើស ខ្ញុំជាមនុស្សធំ ខ្ញុំធ្លាប់ទៅហើយនឹងរឿងបែបនេះ"។
កីឡាករដែលបំបែកកំណត់ត្រាពិភពលោក ២២២ លានអឺរ៉ូ បាននិយាយថាលោកបានកាន់ទុក្ខបន្ទាប់ពីប្រេស៊ីលជ្រុះចេញពី World Cup។
Neymar បាននិយាយថាខ្លួនមិនចង់ឃើញបាល់ ឬ មើលការប្រកួតដែលនៅសល់នៃការប្រកួត World Cup ឡើយបន្ទាប់ពីបែលហ្សិកទម្លាក់ប្រេស៊ីលនៅវគ្គ ១/៤។
"ខ្ញុំកំពុងកាន់ទុក្ខ ខ្ញុំពិតជាសោកស្ដាយណាស់ ប៉ុន្តែ ទុក្ខព្រួយនេះវាបានកន្លងផុតទៅហើយ។ ខ្ញុំមានកូនប្រុស ក្រុមគ្រួសារ និង មិត្តភក្តិរបស់ខ្ញុំមិនចង់ឃើញខ្ញុំខ្សឹកខ្សួលយ៉ាងដូច្នេះទេ"។ តារាឆ្នើមរបស់ Paris St-Germain បាននិយាយ៕