បើចង់ទៅលេងនៅចិន គួរដឹងរឿងរ៉ាវពាក់ព័ន្ធ iCloud បន្តិចសិន
- 2018-07-22 04:59:00
- ចំនួនមតិ 0 | ចំនួនចែករំលែក 0
បើចង់ទៅលេងនៅចិន គួរដឹងរឿងរ៉ាវពាក់ព័ន្ធ iCloud បន្តិចសិន
ចន្លោះមិនឃើញ
ក្រុមហ៊ុនទូរគមនាគមន៍ចិន បានចេញសេចក្ដីប្រកាសថ្មីមួយ តម្រូវឲ្យសេវាកម្ម Cloud ទាំងអស់ក្នុងប្រទេសចិន ត្រូវគ្រប់គ្រងដោយក្រុមហ៊ុនចិន។ ទិន្នន័យអតិថិជន ដែលក្នុងនោះរួមមានទាំងទិន្នន័យ iCloud របស់ Apple ក៏ត្រូវរក្សាទុកក្នុងប្រទេសនេះផងដែរ។
កាលពីអំឡុងខែកុម្ភៈកន្លងទៅ ក្រុមហ៊ុនបច្ចេកវិទ្យាយក្ស Apple ក៏បានប្រកាសពីផ្លាស់ប្ដូរគណនី iCloud អ្នកប្រើប្រាស់នៅចិន ទៅផ្ទុកក្នុង Server ក្រុមហ៊ុនគ្រប់គ្រង Cloud Big Data (GBCD) ដែលជាដៃគូរបស់ខ្លួនក្នុងខេត្ត Guizhou ប្រទេសចិន។ យ៉ាងណាក្ដី ក្រុមអ្នកតស៊ូមតិអំពីសិទ្ធមនុស្សមួយក្រុម បានព្រមានថា ការផ្លាស់ប្ដូររបស់ Appleនេះធ្វើឲ្យអ្នកប្រើកាន់តែមានគ្រោះថ្នាក់ ជាពិសេសអ្នកដែលប្រឆាំងនឹងរដ្ឋាភិបាលចិន។
ស្ថិតក្នុងភាពចម្រូងចម្រាស់នេះ Apple បានផ្ដល់ចម្លើយថា ពួកគេគ្មានជម្រើសណាផ្សេងទេ ប៉ុន្តែគេនឹងពិចារណាជាថ្មី ប្រសិនបើខាងភាគីចិន ចង់បន្តការផ្ដល់សេវា iCloud ទៅកាន់អ្នកប្រើនៅចិន។
China Telecom ជាក្រុមហ៊ុនគ្រប់គ្រងទិន្នន័យអ្នកប្រើប្រាស់ iPhone ក្នុងប្រទេសចិន ដែលត្រូវបានគេដឹងថា មានចំនួនច្រើនជាង ១៣០ លាននាក់។ ដូចនេះ ប្រហែលជាចុងក្រោយ ប្រជាជនចិន ឬអ្នកប្រឆាំងនឹងរដ្ឋាភិបាលចិន ឈប់ប្រើប្រាស់ Apple iCloud តែម្ដង។ ជាងនេះទៀត បើជនបរទេសដែលចង់ទៅលេង ឬទៅរស់នៅក្នុងប្រទេសចិន ប្រហែលត្រូវរកអ្វីផ្សេងដើម្បី Backup ទិន្នន័យ iPhone ហើយ៕