គួរឲ្យចាប់អារម្មណ៍! បឹងកេតប៉ះណាហ្គា ឯ ស្វាយរៀង ប៉ះ ទ័ព ពានសម្តេចហ៊ុន សែន

2018-07-23 08:18:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ Hun Sen Cup 2018 លើកទី១២ វគ្គ ៨ ក្រុមចុងក្រោយបានចាប់គូកាលពីព្រឹកមិញនេះ ដោយក្រុមខ្លាំង បឹងកេត ជួប ណាហ្គាវើល ខណៈ ក្រុម ព្រះខ័នរាជស្វាយរៀង ប៉ះ ក្រសួងការពារជាតិ (ទ័ព) ដែលការប្រកួតវគ្គនេះគ្រោងចាប់ផ្ដើមថ្ងៃទី១ ខែសីហា ឆ្នាំ២០១៨។

ក្រុមបឹងកេត

បឹងកេត និងណាហ្គាវើល ជាក្រុមខ្លាំងដូចគ្នាក្នុងតារាងលីគកំពូលកម្ពុជា ដោយបឹងកេតឈរលេខ ១ ស្របពេល ណាហ្គាវើល ស្ថិតនៅលេខ២។ ពីរក្រុមនេះបានប៉ះគ្នាម្ដងហើយក្នុងលីគ ដោយពេលនោះត្រូវបានគេចាំថា គឺណាហ្គារងបរាជ័យដោយគ្រាប់បាល់ចុងម៉ោង ដែលជាការទាត់បាល់ពិន័យ ១១ម៉ែត្រ ដែលបញ្ចប់លទ្ធផលបឹងកេតយកឈ្នះណាហ្គា ៣-២។

ចំពោះ ក្រសួងការពារជាតិ និងព្រះខ័នរាជស្វាយរៀង បានប៉ះទង្គិចគ្នាខ្លាំងមែនទែនកាលជួបក្នុងលីគជើងទី១ ដែលពេលនោះគឺទ័ពយកឈ្នះព្រះខ័នរាជស្វាយរៀង ២-១។ ប៉ុន្តែយ៉ាងណាក្រុមទាំងពីរទទួលរងការពិន័យដូចគ្នា បន្ទាប់ពីបង្កហិង្សានេះឡើង។

ដោយឡែកក្រុមដែលអាចចាត់ទុកថា ស្រួលក្នុងវគ្គនេះ គឺភ្នំពេញក្រោន ដែលជួប អង្គរថាយហ្គឺរ និង អគ្គស្នងការដ្ឋាននគរបាលជាតិ ដែលជួប កោះកុង ឬយុវជនបាទីអាយុក្រោម១៨ឆ្នាំ៕