ខាង Roma មិនទទួលពាក្យសុំទោសពី Barca ដាច់ខាត លុះត្រាតែលក់ Messi ឲ្យ
- 2018-07-27 03:46:41
- ចំនួនមតិ 0 | ចំនួនចែករំលែក 0
ខាង Roma មិនទទួលពាក្យសុំទោសពី Barca ដាច់ខាត លុះត្រាតែលក់ Messi ឲ្យ
ចន្លោះមិនឃើញ
ទោះបីជាមានការសុំទោសពីសំណាក់ខាង Barcelona បន្ទាប់ពីពួកគេឆក់ទិញបានកីឡាករ Malcom ពីក្លឹប Bordeau តែប្រធានក្លឹប Roma លោក James Pallotta មិនព្រមទទួលយកដាច់ខាត។
Pallotta បាននិយាយទាំងមិនសប្បាយចិត្តថា៖ "សកម្មភាពរបស់ Barcelona គ្មានក្រមសីលធម៌ទេ។ កិច្ចព្រមព្រៀងបានធ្វើរួចបាត់ទៅហើយ។ កាលពីម្សិលមិញ Barcelona បានធ្វើការសុំទោសចំពោះការផ្ទេរយក Malcom ប៉ុន្តែពួកយើងមិនទទួលយកការសុំទោសនេះទែ លុះត្រាតែពួកគេលក់ Messi ឲ្យពួកយើង។ ពួកយើងបានយល់ព្រមគ្រប់យ៉ាងជាមួយកីឡាករ សូម្បីតម្លៃផ្ដាច់កុងត្រា១២០លានអឺរ៉ូក៏ហ៊ានឲ្យ"។
ត្បិតកំពុងក្ដៅស្លឹកត្រចៀកបែបក្ដី តែលោក Pallotta បញ្ជាក់ថា ទំនាក់ទំនងរវាង Roma និង Barca នៅតែមាន មិនអាចបែកបាក់បានទេ ព្រោះអាចធ្វើការជាមួយគ្នានៅថ្ងៃមុខទៀតបាន។ នៅថ្ងៃនេះផ្ទាល់ក្លឹបជើងឯកអេស្ប៉ាញបានប្រកាសផ្លូវការជាលើកទីពីរ អំពីការបំពេញរួចរាល់ផ្ទេរយក Malcom ពីក្លឹប Bordeau ក្នុងតម្លៃ៣៦,៥លានផោន៕