រូបភាពប៉ុន្មាន​សន្លឹក​នៃ Google Pixel 3 XL បាន​លេច​ចេញ​ឡើង​លើ​បណ្ដាញ​អ៊ីនធឺណិត បង្ហាញ​ឲ្យ​ឃើញ​ពី​រូបរាង​ពិត​របស់​ស្មាតហ្វូន​កំពូល​ចុង​ក្រោយ​នេះ។

តាម​រូបភាព​បាន​បង្ហាញ​ឲ្យ​ឃើញ​ច្បាស់​ពី​រចនាបថ​ឆក​នៃ​ Google Pixel 3 XL រួម​ទាំង​គែម​នៃ​អេក្រង់​ដ៏​ធំ​របស់​វា​ផង​ដែរ។ Google Pixel 3 XL ពណ៌ស ដែល​បង្ហាញ​ចេញ​នេះ​គឺ​មាន​ RAM ទំហំ​ ៤ GB និង​មាន​អង្គ​ផ្ទុក​ទិន្នន័យ​ទំហំ​ ៦៤ GB។

ផ្នែក​ខាងក្រោយ​របស់​ Pixel 3 XL នៅ​តែ​មាន​បំពាក់​កាមេរ៉ា​មេ​តែ​មួយ​គ្រាប់​។ យ៉ាងណាក្ដី គេជឿថាកាមេរ៉ា​​មួយ​គ្រាប់នេះមានសមត្ថភាពថតរូបមិនចាញ់កាមេរ៉ាភ្លោះបំពាក់លើស្មាតហ្វូនកំពូលៗនា​ពេល​បច្ចុប្បន្ន​នោះទេ៕

ប្រភព៖ 9to5google   ប្រែ​សម្រួល៖ សុខហេង