​គណនី​ @VenyaGeskin1 ដែល​តែង​តែ​បញ្ចេញ​រូប​ Render ពី​ស្មាតហ្វូន​ជំនាន់​ថ្មី បាន​បង្ហាញ​ចេញ​នូវ​​ផលិតផល​គំរូ​នៃ​​រូបរាង​ iPhone X Plus ដាក់​ផ្ទឹម​នឹង​ iPhone 9 ដែល​ត្រៀម​ចេញ​ឆាប់ៗ​នេះ។

iPhone ពណ៌​ស​គឺ​ជា​ iPhone ប្រើ​ប្រាស់​អេក្រង់​ OLED មាន​ទំហំ​ដល់​ ៦,៥ អ៊ីញ ដែល​បច្ចុប្បន្ន​ត្រូវ​បាន​គេ​ឲ្យ​ឈ្មោះ​ថា​ iPhone X Plus។ ចំណែក​ iPhone ពណ៌​ខ្មៅ​វិញ​គឺ​ជា​ iPhone តម្លៃ​ធូរ​ថ្លៃ​ប្រើ​ប្រាស់​អេក្រង់​ OLED ទំហំ​ ៦,១ អ៊ីញ ដែល​គេ​ឲ្យ​ឈ្មោះ​ថា iPhone 9។

គួរ​បញ្ជាក់​ថា​ឆ្នាំ ២០១៨ នេះ Apple ត្រៀ​ម​ចេញ iPhone ស៊េរី​ថ្មី​រហូត​ដល់​ទៅ​ ៣ ម៉ូដែល​ ដោយ​មាន​ ២ ម៉ូដែល​ដែល​បង្ហាញ​ខាង​លើ និង​​មួយ​ម៉ូដែល​ទៀត​ជា​ iPhone ​ប្រើ​អេក្រង់​ OLED ទំហំ​ ៥,៨ អ៊ីញ៕

ប្រភព៖ GSMarena   ប្រែ​សម្រួល៖ សុខហេង