អេហ្ស៊ីបតែងតាំងអតីតគ្រូម៉ិកស៊ិក ជាគ្រូបង្វឹកថ្មីក្រុមជម្រើសជាតិ
- 2018-08-02 01:35:10
- ចំនួនមតិ 0 | ចំនួនចែករំលែក 0
អេហ្ស៊ីបតែងតាំងអតីតគ្រូម៉ិកស៊ិក ជាគ្រូបង្វឹកថ្មីក្រុមជម្រើសជាតិ
ចន្លោះមិនឃើញ
សហព័ន្ធបាល់ទាត់អេហ្ស៊ីបបានតែងតាំងលោក Javier Aguirre ជាគ្រូបង្វឹកថ្មីក្រុមជម្រើសជាតិ ក្រោយគ្រូចាស់លោក Hector Cuper ចាកចេញពីតួនាទី។
Aguirre គឺជាអតីតសមាជិកក្រុមជម្រើសជាតិម៉ិកស៊ិកធ្លាប់លេង World Cup ឆ្នាំ១៩៨៦ ហើយក្រោយមកក៏ក្លាយជាគ្រូបង្វឹកនិងដឹកនាំក្រុមឡើងដល់វគ្គ១៦ក្រុមចុងក្រោយនៅ World Cup ឆ្នាំ២០០២ និង២០១០។ លោកបានចុះកុងត្រា៤ឆ្នាំជាមួយអេហ្ស៊ីបដែលជាក្រុមខ្លាំងនៅអាហ្វ្រិក។
មុនការតែងតាំងនេះមានព័ត៌មានថាអតីតខ្សែប្រយុទ្ធ Arsenal និងក្រុមជម្រើសជាតិបារាំង Thierry Henry អាចទៅកាន់ការងារខាងលើប៉ុន្តែជាក់ស្ដែងគឺលោក Aguirre ទៅវិញទេដែលត្រូវសហព័ន្ធអេហ្ស៊ីបផ្ដល់សេចក្ដីទុកចិត្ត។
អេហ្ស៊ីបបានឡើង World Cup ជុំផ្ដាច់ព្រ័ត្រលើកដំបូងក្នុងរយៈពេល២៨ឆ្នាំ ប៉ុន្តែបានធ្លាប់ត្រឹមវគ្គចែកពូលប៉ុណ្ណោះក្រោយរកមិនបានសូម្បី១ពិន្ទុពី៣ប្រកួតនៅ ពូល A៕