លាក់យូរពេកដូចមិនស្រួល ទីបំផុត HyunA និងគូស្នេហ៍ទទួលស្គាល់ថាស្រឡាញ់គ្នាមែន

2018-08-03 04:22:23
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ០២ ខែសីហាសាមីខ្លួនទាំង ២គឺ HyunA និង E'Dawn បានច្រានចោលព័ត៌មានថាខ្លួនមិនបានទាក់ទងស្នេហាគ្នាទេ ប៉ុន្តែស្រាប់តែឈានចូលថ្ងៃទី ០៣ ខែដដែល វិបសាយ Yonhap News បានផ្សាយថាពួកគេទទួលស្គាល់ពីទំនាក់ទំនងស្នេហ៍នេះហើយ។

វិបសាយព័ត៌មានដដែលបាន បញ្ជាក់ថា HyunA និង E'Dawn បានទាក់ទងគ្នារយៈពេល ពីរឆ្នាំហើយ។ នៅពេលដែលអ្នកទាំង ២ ព្រមចេញមុខទទួលស្គាល់ពីទំនាក់ទំនងនេះ វាអាចធ្វើឲ្យពួកគេមានភាពក្លាហានឈរនៅចំពោះមុខអ្នកគាំទ្រដោយអង់អាចមិនបាច់ភ័យមានពាក្យលេចឮវែងឆ្ងាយ។ ម្យ៉ាងតារាប្រចាំផលិតកម្ម Cube ទាំង ២ក៏សុំទោសចំពោះគ្រប់គ្នាដែរ ដែលបានលាក់ពីស្នេហារបស់ពួកគេនាពេលកន្លងមក។

정말이지 솔직하고 싶었어요. 항상 응원해주고 지켜봐주는 팬들 위해 늘 그렇듯 즐겁게 당당하게 무대위에서 열심히할래 고맙고 사랑한단말로 정말 부족하지만 더 표현할 방법이없네요

A post shared by Hyun Ah (@hyunah_aa) on Aug 2, 2018 at 7:48pm PDT

ទាំង HyunA និង E'Dawn បានទម្លាយហេតុផលមួយចំនួនដែរថា៖ «នៅពេលពួកយើងដឹងថា ការទាក់ទងស្រឡាញ់គ្នាបើកចំហពេក អាចបង្ករឿងរ៉ាវច្រើន ប៉ុន្តែស្រាប់តែគិតថាបើលាក់ នោះនឹងមានអារម្មណ៍ពិបាកពេលឃើញខ្សែភ្នែករបស់អ្នកគាំទ្រ អំឡុងពេលសម្ដែងលើឆាក។ ពួកយើងចង់ជម្រាបទៅកាន់អ្នកគាំទ្រដោយត្រង់ៗតែម្ដង និងចង់សម្ដែងដោយមានទំនុកចិត្តប្រកបដោយអារម្មណ៍រីករាយនៅថ្ងៃខាងមុខ»។

តារាស្រីវ័យ ២៦ឆ្នាំរូបនេះ ចាប់ផ្ដើមទាក់ទងសិស្សប្អូនដែលមានអាយុប្អូន ២ឆ្នាំ E'Dawn កាលពីខែ ឧសភា ឆ្នាំ ២០១៦។ នាងតែងរម្លឹកពីអំពើល្អរបស់សង្សារថា៖ «កាលពី E'Dawn មិនទាន់ចេញមុខជាសាធារណៈ គាត់តែងជួយខ្ញុំរហូត ពិសេសក្នុងការរៀបចំអាល់ប៊ុមថ្មីរបស់ខ្ញុំ»៕