iPhone ស៊ីមពីរអាចមានលក់ផ្ដាច់មុខតែនៅប្រទេសចិន
- 2018-08-04 02:49:01
- ចំនួនមតិ 0 | ចំនួនចែករំលែក 0
iPhone ស៊ីមពីរអាចមានលក់ផ្ដាច់មុខតែនៅប្រទេសចិន
ចន្លោះមិនឃើញ
តាមប្រភពចេញពីរោងចក្រ Foxconn នៅប្រទេសចិនបានឲ្យដឹងថាមានតែ iPhone 9 ប៉ុណ្ណោះដែលអាចទ្រាំទ្រនឹងការប្រើស៊ីមពីរ ហើយមានលក់ផ្ដាច់មុខតែក្នុងប្រទេសចិនប៉ុណ្ណោះ។
ប្រភពដដែលឲ្យដឹងទៀតថា ដំណើរការផលិត iPhone ថ្មីសម្រាប់ប្រកាសចេញខែកញ្ញា គឺមានដំណើរការល្អណាស់ ដោយបុគ្គលិក Foxconn បានបញ្ជាក់ថា Apple កំពុងផលិត iPhone ស៊េរីថ្មីចំនួនបួនប្រភេទ។ iPhone ទាំង ៤ មានលេខម៉ូដែល 801, 802, 803 និង 804។
លេខ 801 និង 802 គឺជាលេខម៉ូដែលនៃ iPhone ប្រើអេក្រង់ OLED ទំហំ ៥,៨ អ៊ីញ និង ទំហំ ៦,៥ អ៊ីញ។ ចំណែកឯលេខម៉ូដែល 803 និង 804 ជាលេខម៉ូដែលនៃ iPhone ប្រើអេក្រង់ LCD (iPhone 9) ដែលមានជាប្រភេទស៊ីម ១ និង ប្រភេទស៊ីម ២។
គួរដឹងថាផែនការនៃការបញ្ចេញលក់ iPhone ស៊ីមពីរលក់ផ្ដាច់មុខនៅប្រទេសចិន ក៏ដោយសារតែប្រទេសចិនជាទីផ្សារស្មាតហ្វូនធំដែលទទួលបានការពេញនិយមប្រើទូរសព្ទស៊ីមពីរនេះ៕