ហ្គេម Fortnite នឹងគ្មានថ្ងៃដាក់ឲ្យដំឡើងលើ Play Store នោះទេ

2018-08-04 05:26:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Epic Games បានប្រកាសថានឹងមិនដាក់ហ្គេមដ៏ល្បីរបស់ខ្លួនឲ្យទាញយកនៅលើ Play Store របស់ Google នោះទេ។ ផ្ទុយទៅវិញក្រុមហ៊ុនគ្រោងនឹងបញ្ចេញហ្គេមនេះឲ្យអ្នកប្រើប្រាស់ទាញយកតាមរយៈវិបសាយផ្លូវការរបស់ Fortnite ជំនួសវិញ។

នេះមានន័យថាអ្នកប្រើប្រាស់ទូរសព្ទ Android នឹងអាចទាញយកហ្គេម Fortnite ដាក់លេងលើទូរសព្ទតាមរយៈវិបសាយ Fortnite ផ្ទាល់។ ការប្រកាសនេះ ក្រោយពីមានការចេញផ្សាយថា Epic Games នឹងហក់រំលង Google ចំពោះការដាក់ឲ្យហ្គេមនេះលេងលើទូរសព្ទ Android ក្នុងពេលខាងមុខ។

មានហេតុផលពីរដែល Epic Games សម្រេចចិត្តបែបនេះ ទីមួយគឺចង់រក្សាការមានទំនាក់ទំនងផ្ទាល់ៗជាមួយអតិថិជនរបស់ខ្លួន និងទីពីរទាក់ទងនឹងហិរញ្ញវត្ថុ។ ប្រសិនបើដាក់លើ Play Store នោះ Epic Games ត្រូវចែកចំណូល ៣០% របស់ខ្លួនឲ្យទៅ Google ដែលជាភាគរយដ៏ខ្ពស់មួយ។

សម្រាប់ iOS ឯណោះវិញ Epic Games បានសម្រេចចិត្តថាប្រើ App Store ជាឈ្មួញកណ្ដាលរបស់ខ្លួន ដោយហេតុផលទំនងជាដោយសារតែគ្មានវិធីសាស្ត្រផ្សេងដែលអាចឲ្យអ្នកប្រើប្រាស់ឧបករណ៍ iOS ងាយស្រួលទាញយកហ្គេមជាងលើ App Store នោះទេ។ គួរដឹងថា Apple ខុសពី Google ដោយមិនអនុញ្ញាតឲ្យអ្នកប្រើប្រាស់ទាញយកកម្មវិធីដែលមិនបានឆ្លងកាត់ការពិនិត្យនោះទេ។

មកទល់ពេលនេះគេនៅមិនទាន់ដឹងច្បាស់ថាហ្គេម Fortnite នឹងមានសម្រាប់ Android នៅពេលណានោះទេ ប៉ុន្តែមានពាក្យចចាមអារ៉ាមថាហ្គេមនេះនឹងចេញផ្ដាច់មុខសម្រាប់តែ Galaxy Note 9 ដែលត្រៀមប្រកាសនៅថ្ងៃទី ៩ ខែសីហាខាងមុខ។ យ៉ាងណាក្ដីក្រុមហ៊ុន Epic Games មិនបានឆ្លើយតបពីចចាមអារ៉ាមនេះទេ៕

ប្រភព៖ The Verge ប្រែសម្រួល៖ សុខហេង

ពាក្យទាក់ទង

ហ្គេមអន្តរជាតិ

អត្ថបទពេញនិយម

ផ្លូវជាតិលេខ៣១ បែកគុស-កំពង់ត្រាច នឹងសង់រួច១ឆ្នាំមុនកិច្ចសន្យា ក្នុងនោះការងារនឹងបញ្ចប់ត្រឹមដំណាច់ខែមិថុនាខាងមុខ

ប្រឡាយមេ៩៦ នឹងរំដោះទឹកចេញពីភ្នំពេញ ចូលទៅព្រែកអំបិលរបស់គម្រោងព្រែកជីកហ្វូណនតេជោ

ធនាគារ វីង បើកដំណើរទីតាំងទី ២២ របស់ខ្លួនក្នុងខេត្តតាកែវ

មិនចង់មានថ្ងៃនេះ! គ្រីសឌីវ៉ា បញ្ចប់ស្នេហាខំសាង៨ឆ្នាំជាមួយ Dj Alex ដោយត្រឹមពាក្យថាអរគុណ

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

ជីវិតពិតតួស្រីរឿង «ផ្នូរបិសាច» Kim Go Eun នារីចិត្តមាំទាំងក្នុង និងក្រៅរឿង

អត្ថបទថ្មី

សមត្ថភាពបវរកញ្ញាភេទទី៣បច្ចុប្បន្ន ខ្លាំងយ៉ាងនេះ ទើបតារាសម្ដែង ស៊ិន ឌី កោតសរសើរមិនដាច់ពីមាត់

ទស្សនីយភាពស្ប៉តពាណិជ្ជកម្មដ៏អស្ចារ្យ ថ្មីសន្លាងផលិតផល Similac Mum

នេះ! ស្រះទឹកទំហំ ១២៥ x ៤៥ម៉ែត្រ ជម្រៅ ៣ម៉ែត្រ នៅស្រុកជុំគិរី ជាស្រះទឹក១ ក្នុងចំណោម ១៦០ស្រះ នៅខេត្តកំពត

ហៀង ស្រីនាង ខំប្រឹងដុះខាត់សមត្ថភាពដើរម៉ូដ ដើម្បីក្លាយជាម៉ូដែលអាជីព អាចល្បីឈ្មោះដល់ក្រៅប្រទេស

ឡានចិនផលិតច្រើនពេក ឥឡូវសល់ពាក់កណ្តាលទៀតក្នុងស្តុក លក់អត់ចេញ

មិនហក់លោតលែងម៉ូដច្រើនពេក សាមញ្ញតែមិនសាមញ្ញ ម៉ូដរបស់តារាស្រីទាំងនេះស្អាតប្លែក