Mourinho សារភាពថា Man Utd រដូវកាលនេះពិបាកប្រជែងក្រុមដទៃ
- 2018-08-06 03:53:55
- ចំនួនមតិ 0 | ចំនួនចែករំលែក 0
Mourinho សារភាពថា Man Utd រដូវកាលនេះពិបាកប្រជែងក្រុមដទៃ
ចន្លោះមិនឃើញ
Jose Mourinho បានទទូចឲ្យក្លឹប Manchester United ព្យាយាមធ្វើយ៉ាងណាចុះហត្ថលេខាយកកីឡាករថ្មីឲ្យបានមុនទីផ្សារដោះដូរកីឡាករនៅអង់គ្លេសបិទទ្វារនៅប៉ុន្មានថ្ងៃខាងមុខនេះ។
United បានព្យាយាមទាក់ទងកម្លាំងសំខាន់២រូបមួយរយៈមកហើយគឺ Harry Maguire និង Toby Alderweireld ក្រោយទិញបាន Fred, Diogo Dalot និងអ្នកចាំទីដៃទី៣ Lee Grant ប៉ុន្តែក្លឹបនៅមិនទាន់ ជោគជ័យក្នុងការចុះហត្ថលេខាយកអ្នកទាំងនោះនៅឡើយ។
ភាពកម្សោយក្នុងការនាំយកកីឡាករថ្មីនេះធ្វើឲ្យក្លឹបរហស្សនាមថាបិសាចក្រហមហាក់ចាញ់ប្រៀបគូប្រជែងដែលចាយលុយឥតស្រាកស្រាន្តដូចជា Liverpool ជាដើម សូម្បីតែ Manchester City ដែលមានក្រុមខ្លាំងស្រាប់នៅទិញបាន Riyad Mahrez ពី Leicester City ដែរ។
និយាយក្រោយចាញ់ Bayern ១-០ ក្នុងជំនួបមិត្តភាព Mourinho បានប្រាប់ថា៖ "មេដឹងពីតម្រូវការរបស់ខ្ញុំ ហើយគាត់ក៏កំពុងព្យាយាមសម្រេចវា។ ពួកយើងនៅសល់ប៉ុន្មានថ្ងៃទៀតដើម្បីដឹងថាអ្វីនឹងកើតឡើង។ គូប្រជែងរបស់យើងគឺពិតជាខ្លាំង Chelsea, Tottenham, Manchester City ហើយក្រុមខ្លះដូចជា Liverpool បានទិញសុទ្ធកីឡាករល្អៗ ដូច្នេះបើចាញ់ប្រៀបគេ រដូវកាលនេះនឹងពិបាកសម្រាប់យើង"៕