៤ សន្លឹកស្រស់ស្អាតអំពី Ronaldo និងមិត្តស្រីកាន់ដៃបណ្ដើរគ្នានៅអ៊ីតាលី ក្រោយចូលរួម Juventus

2018-08-07 11:55:16
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមការចុះផ្សាយរបស់ The Sun ក្នុងថ្ងៃនេះ ខ្សែប្រយុទ្ធ Cristiano Ronaldo បានបណ្ដើរមិត្តស្រីរបស់ខ្លួន នាង Georgina Rodriguez ជាសាធារណៈនៅទីក្រុង Milan ប្រទេសអ៊ីតាលី។

បើតាមប្រភពដដែល ការណ៍ដែលកីឡាករព័រទុយហ្គាល់ និងមិត្តស្រី មកទីក្រុង Milan គឺដើម្បីធ្វើការដើរផ្សារទិញសំលៀកបំពាក់។

ក្នុងការបង្ហាញខ្លួនជាសាធារណៈនៅអ៊ីតាលី គូស្នេហ៍ទាំងពីរ ត្រូវបានប្រទះឃើញថាស្ថិតក្នុងសំលៀកបំពាក់ហាក់មានភាពសាមញ្ញ តែបែបមានតម្លៃថ្លៃ។ Ronaldo ស្លៀកអាវសមូលដៃ ខោខោវប៊យជើងកំប៉ុង ស្បែកជើងប៉ាត់តា រួមជាមួយវ៉ែនតា និងមួកពណ៌ខ្មៅ។ ដោយឡែកមិត្តស្រីរបស់កីឡាករស្ថិតក្នុងឈុតអាវយឺតវាលក ខោខ្លីពណ៌ខ្មៅ ស្បែកជើងកែង ហើយដណ្ដប់ពីលើដោយអាវក្រៅវែង និងយួរកាបូបស្បែក។

ខាងក្រោមជារូបថត ៤ សន្លឹកអំពីទិដ្ឋភាព Ronaldo និងមិត្តស្រីបណ្ដើរគ្នានៅទីក្រុង Milan ប្រទេសអ៊ីតាលី៖

ប្រភព៖ The Sun

សូមបញ្ជាក់ផងដែរថា Ronaldo បានសម្រេចមកចូលរួមជាមួយ Juventus ពី Real Madrid កាលពីខែមុន បន្ទាប់ពីរួមរស់ជាមួយក្លឹបអេស្ប៉ាញអស់រយៈពេលជាង ៩ឆ្នាំ។ ក្នុងអំឡុងពេលនេះ កីឡាករលេងបានសរុប ៤៣៨ ប្រកួតឲ្យក្លឹប និងស៊ុតចូលសរុប ៤៥០ គ្រាប់ ព្រមទាំងបានបំបែកកំណត់ត្រា និងពានធំៗជាច្រើន៕

ប្រភព៖ The Sun ប្រែសម្រួល៖ ហ៊ីម រស្មី