ប៊ិច Galaxy Note 9 អាចបញ្ជាថតរូប ដូចតេឡេ
- 2018-08-08 07:38:17
- ចំនួនមតិ 0 | ចំនួនចែករំលែក 0
ប៊ិច Galaxy Note 9 អាចបញ្ជាថតរូប ដូចតេឡេ
ចន្លោះមិនឃើញ
ដំណឹងថ្មីៗជាច្រើនទៀតអំពី Galaxy Note 9 បន្តលេចចេញជាហូរហែ ដោយចុងក្រោយនេះជាដំណឹងអំពីប៊ិច S-Pen, កាមេរ៉ា រួមទាំងតម្លៃលក់ទៀតផង។
និយាយពីប៊ិច S-Pen គឺមានបំពាក់នូវបច្ចេកវិទ្យា Bluetooth អាចប្រើធ្វើជាតេឡេដើម្បីចុចថតរូប, បញ្ជាលើផ្ទាំង Slide លើទូរសព្ទ និងបញ្ជាមុខងារផ្សេងៗទៀតអាស្រ័យតាមកម្មវិធី។ បន្ថែមពីនេះប៊ិច S-Pen នៅតែអាចប្រើដើម្បីសរសេរបានដូចមុន ជាមួយអេក្រង់ដែលអាចដឹងពីកម្លាំងសង្កត់ ៤០៩៦ កម្រិតឯណោះ។
កាមេរ៉ាអាចប្រែប្រួល Aperture បានដូចជា Galaxy S9/S9+ ប៉ុន្តែ Samsung បានបន្ថែមបច្ចេកវិទ្យា AI បន្ថែមពីលើ។ បច្ចេកវិទ្យានេះអាចបម្រែបម្រួល Settings នៃរូបភាពដោយផ្អែកតាមស្ថានភាពជាក់ស្ដែង។
លើ Note ក៏អាចទ្រាំទ្រនឹងមុខងារ DeX ថ្មី ដោយអាចដំណើរការបានដោយត្រូវការខ្សែ HDMI តែមួយ មិនត្រូវការដុំដូចមុននោះទេ។
ចុងក្រោយទាក់ទងនឹងតម្លៃ ជាតម្លៃលក់លើទីផ្សារចក្រភពអង់គ្លេស ដោយ Note 9 ទំហំ ១២៨ GB មានតម្លៃ ៩០០ ផោន (ប្រមាណ ១ ១៦៤ ដុល្លារ) និង ទំហំ ៥១២ GB តម្លៃ ១ ១០០ ផោន (ប្រមាណ ១ ៤២៣ ដុល្លារ)៕