Kourtney Kardashian និងសង្សារ Younes Bendjima ទើបតែបែកបាក់ស្នេហាថ្មីៗ
- 2018-08-08 08:20:00
- ចំនួនមតិ 0 | ចំនួនចែករំលែក 0
Kourtney Kardashian និងសង្សារ Younes Bendjima ទើបតែបែកបាក់ស្នេហាថ្មីៗ
ចន្លោះមិនឃើញ
តារាស្រីបងប្អូន Kardashian គឺ Kourtney Kardashian ទើបតែបែកបាក់ជាមួយសង្សារវ័យ២៥ឆ្នាំ Younes Bendjima ថ្មីៗនេះ បើតាមការរាយការណ៍ពីសំណាក់សារព័ត៌មាន TMZ។ បើយោងទៅតាមប្រភពព័ត៌មានជាច្រើនបានឲ្យដឹងថា រឿងរ៉ាវនេះបានបែកធ្លាយដោយសារតែអ្នកទាំងពីរ បាន Unfollow គ្នាទៅវិញទៅមកនៅលើបណ្ដាញសង្គម Instagram។
អ្នកទាំងពីរបានចំណាយពេលជាមួយគ្នា អស់រយៈពេលជិត២ឆ្នាំ បន្ទាប់ពីបានជួបគ្នាលើកដំបូងក្នុងកម្មវិធី Paris Fashion Week កាលពីឆ្នាំ ២០១៦។ មុននេះបន្តិចអ្នកទាំងពីរដូចជាមានបញ្ហាថ្នាំងថ្នាក់ជាមួយគ្នា បន្ទាប់ពី Younes បានបញ្ចេញ Comment មួយនៅលើរូបភាពរបស់ Kourtney នៅលើបណ្ដាញសង្គម Instagram។ សម្រាប់ពេលនេះ Younes រកបានសង្សារថ្មីទៅហើយ ដែលជានារីសញ្ជាតិមិកស៊ិក នេះបើតាមការរាយការណ៍របស់ TMZ។ ថ្មីៗនេះ Kourtney ក៏ទើបបានបង្ហោះរូបថតមួយសន្លឹកលើ Instagram ដោយសរសេរថា "កុំធ្វើឲ្យខ្ញុំមានអារម្មណ៍មួយនេះ" ទំនងជាឌឺដងទៅអោយអតីតសង្សារឬគ្រាន់តែជា Caption លេងសើចក៏ថាបាន។
ទោះជាយ៉ាងណាក៏ដោយរូបថតចុងក្រោយរបស់ Younes នៅលើបណ្ដាញសង្គមគឺជារូបភាពរបស់ខ្លួនជាមួយ Kourtney៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
