Pixel 3 XL លេចធ្លាយរាងទាំងដុល ដូចចង់ដណ្ដើមចំណាប់អារម្មណ៍ពី Note 9
- 2018-08-09 02:24:43
- ចំនួនមតិ 0 | ចំនួនចែករំលែក 0
Pixel 3 XL លេចធ្លាយរាងទាំងដុល ដូចចង់ដណ្ដើមចំណាប់អារម្មណ៍ពី Note 9
ចន្លោះមិនឃើញ
កាលពីពេលកន្លងទៅនេះ Google បានប្រកាសចេញឈ្មោះពេញរបស់ Android P ខណៈពេលដែលពិភពលោកកំពុងជ្រួលជ្រើមនឹងដំណឹងលេចធ្លាយរបស់ Galaxy Note 9។ រឹតតែចៃដន្យថែមទៀតនោះ ពេលនេះមានលេចចេញរូបរាងមួយជំហររបស់ Pixel 3 XL ដែលបានបង្ហាញថា Google ហាក់ចង់ដណ្ដើមចំណាប់អារម្មណ៍ពី Note 9 ដែលប្រកាសចេញនាយប់នេះ។
រូបរាង Google Pixel 3 XL ដូចនឹងអ្វីដែលបានលេចធ្លាយកន្លងមក ដោយមានអេក្រង់លាតពេញផ្ទៃ ថែមមានឆកមួយដុំ។ តាមរយៈវីដេអូបើកប្រអប់បានបង្ហាញដែរថា Pixel 3 XL មិនមានរន្ធដោតកាស 3.5 mm នោះទេ ដោយត្រូវប្រើរន្ធ USB Type-C ជំនួស។
វីដេអូខាងលើក៏បានបញ្ជាក់ពីលក្ខណៈសម្បត្តិរបស់ Pixel 3 XL មានដូចជាប្រើបន្ទះឈីប Snapdragon 845, RAM ទំហំ ៤ GB, ប្រើប្រព័ន្ធប្រតិបត្តិការ Android 9.0 Pie, មានអេក្រង់កម្រិត ១៤៤០ x ២៩៦០ ភីកសែល និង មានដង់ស៊ីតេរូបភាព ៤៩៤ ភីកសែលក្នុងមួយអ៊ីញ។
Pixel 3 និង 3 XL រំពឹងថានឹងប្រកាសចេញនៅថ្ងៃទី ៤ ខែតុលាខាងមុខនេះ ហើយអាចនឹងបើកទទួលការកុម្ម៉ង់ទិញភ្លាមៗផងដែរ៕