មកដឹងប្រាក់ខែ ច្រឹង ពលរដ្ឋ នៅក្លឹប Buriram និងរឿងលម្អិតផ្សេងទៀត

2018-08-09 05:59:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ច្រឹង ពលរដ្ឋ បានផ្លាស់ទៅលេងនៅក្លឹប Buriram United ជាផ្លូវការហើយ ក្រោមលក្ខខណ្ឌខ្ចីជើង២រដូវកាលពីក្លឹបក្រសួងការពារជាតិ។ នេះបើតាមការបញ្ជាក់របស់លោក ខូវ ឆាយ អគ្គលេខាធិការក្លឹបផ្ទាល់។

រូបភាព៖Buriram United

ចំពោះការផ្លាស់ទៅលេងនៅក្លឹបលីគកំពូលថៃនេះដែរ ពលរដ្ឋ នឹងទទួលបានប្រាក់ពលកម្មជាង៥ពាន់ដុល្លារ ក្នុងមួយខែ។ លើសពីនេះទៅទៀត ក្លឹប Buriram United បានឱ្យរថយន្ដមួយគ្រឿង និងខុនដូ១ទៀត ដើម្បីឱ្យគេរស់នៅ អំឡុងពេលលេងឱ្យក្លឹបលីគកំពូលថៃនេះ។ ក្រោមលក្ខខណ្ឌខ្ចីជើងនេះដែរ ក្លឹប Buriram United បានមកចរចាជាមួយក្រសួងការពារជាតិ ៣ខែមកហើយ មុនពេលសម្រេចជាផ្លូវការនេះ។ ប្រសិនបើ ពលរដ្ឋ លេងល្អអំឡុងពេលខ្ចីជើងនេះ Buriram United មានសិទ្ធិទិញផ្ដាច់យកតែម្ដង។

លោក ខូវ ឆាយ

លោក ខូវ ឆាយ បានបញ្ជាក់បន្ថែមពីលើទៀតថា ក្លឹបក្រសួងការពារជាតិចង់ឱ្យ ពលរដ្ឋ ទៅលេងនៅក្រៅប្រទេសនេះ ដើម្បីឱ្យរូបគេអភិវឌ្ឍខ្លួនបន្ថែមទៀត។ អ្វីដែលកាន់តែល្អសម្រាប់គេនោះ គឺនឹងទទួលបានបទពិសោធថ្មីនៅលីគកំពូលថៃ ដើម្បីមកជួយកម្ពុជាវិញ។ យ៉ាងណាមិញ Buriram United ត្រូវចំណាយពេលច្រើនខែទៀត ដើម្បីព្យាបាលរបួសរបស់ ពលរដ្ឋ សិន ទើបអាចដាក់ឱ្យរូបគេចូលលេងបាន៕

អត្ថបទ៖ មុន្នីរម្យ