ស្ងាត់ៗធ្លាយតម្លៃ OPPO F9 នៅប្រទេសថៃ ថែមកាដូយ៉ាងច្រើនសន្ធឹកសន្ធាប់

2018-08-09 11:15:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយល្ហិចល្ហៀងកាលបរិច្ឆេទនៃការត្រៀមប្រកាស Oppo F9 ក្នុងប្រទេសវៀតណាមនាថ្ងៃទី ១៥ សីហា ដំណឹងមួយផ្សេងទៀតបង្ហោះលើទំព័រ OPPO Thailand ឲ្យដឹងថា ត្រកូល F-Series ជំនាន់ក្រោយនេះ ក៏នឹងបើកការ Pre-Order នាថ្ងៃទី ១១ សីហាក្នុងប្រទេសថៃដូចគ្នា។

ប្រភពបានទម្លាយចេញនូវ F9 ស្ថិតក្នុងជម្រើស ២ ពណ៌រួមមានពណ៌ខៀវ (Twilight Blue) និងពណ៌ក្រហម (Sunrise Red)។ ផ្អែកតាមរូបភាពអាចសន្មតថាម៉ូឌែលនេះពិតជាបំពាក់នូវកាមេរ៉ាភ្លោះក្រោយ អមទ្រនាប់ស្កេនខ្ចៅដៃ និងមុខងារសាកថ្មរហ័ស VOOC Charge សាក ៥ នាទីអាចនិយាយគ្នាបានដល់ ២ ម៉ោង។

Oppo F9 នឹងប្រកាសលក់ក្នុងតម្លៃ ១០ ៩៩០ បាត ឬប្រហែល ៣៣០ ដុល្លារ ពោលបើ Pre-Order ចន្លោះថ្ងៃទី ១១ ដល់ ២៩ សីហា នោះអ្នកនឹងទទួលបានកាបូបស្ពាយ Oppo Smart Bag, VIP Card និងធានាលើការផ្លាស់ប្ដូរ Screen ការពារអេក្រង់រយៈពេល ១ ឆ្នាំទៀតផង៕