Galaxy Note 9 ចេញជាផ្លូវការ តម្លៃចាប់ពី ៩៩៩ ដុល្លារ
- 2018-08-09 16:32:49
- ចំនួនមតិ 0 | ចំនួនចែករំលែក 0
Galaxy Note 9 ចេញជាផ្លូវការ តម្លៃចាប់ពី ៩៩៩ ដុល្លារ
ចន្លោះមិនឃើញ
Galaxy Note 9 បានបង្ហាញវត្តមានជាផ្លូវការមុននេះបន្តិចក្នុងព្រឹត្តិការ Galaxy Unpacked នៅទីក្រុង New York សហរដ្ឋអាមេរិក។
ការបង្ហាញមុខជាផ្លូវការរបស់ Galaxy Note 9 បានបញ្ជាក់នូវពាក្យចចាមអារ៉ាមចេញផ្សាយកន្លងមក ពីចំណុចពិសេសៗរបស់ស្មាតហ្វូនកូនកាត់ Tablet មួយនេះ។ Galaxy Note 9 នៅតែរក្សារូបរាងដូចជា Galaxy Note 8 ដែលចេញឆ្នាំមុន ប៉ុន្តែបានប្រែប្រួលត្រង់ការប្ដូរទ្រនាប់ស្កេនម្រាមដៃមកនៅចំកណ្ដាលវិញ។
Note 9 មានក្រាលដោយអេក្រង់ Super AMOLED ដែលមានទំហំ ៦,៤ អ៊ីញ អាចបង្ហាញរូបក្នុងកម្រិត ១៤៤០ x ២៩៦០ ភីកសែល។ អេក្រង់នេះទៀតសោតគឺជាប្រភេទ Gorrilla Glass 6 ជំនាន់ចុងក្រោយ មានភាពរឹងមាំបំផុត អាចធន់។
បន្ទះឈីប ២ ប្រភេទត្រូវបានគេបំពាក់លើ Galaxy Note 9 សម្រាប់លក់នៅទីផ្សារផ្សេងៗគ្នា ដោយនៅសហរដ្ឋអាមេរិក និងចិនប្រើ Snapdragon 845 និង តំបន់ដទៃទៀតប្រើ Exynos 8910 ហើយមានអមដោយ RAM ទំហំ ៦ GB។ ជាលើកដំបូង អង្គផ្ទុកទិន្នន័យទំហំតូចបំផុតគឺមានចាប់ពី ១២៨ GB ដល់ ៥១២ GB ដោយអាចបន្ថែមទំហំតាមមេមូរីកាត។
កាមេរ៉ាខាងក្រោយរបស់ Note 9 មិនខុសពី Galaxy S9/S9+ ខ្លាំងនោះទេ ពោលមានកាមេរ៉ាភ្លោះទំហំ ១២ MP + ១២ MP និង កាមេរ៉ាមេអាចផ្លាស់ប្ដូរ Aperture ពី f/1.5 ទៅ f/2.4។ លើឡេនទាំងពីរគ្រាប់មានបច្ចេកវិទ្យាទប់លំនឹង OIS , អាចថតវីដេអូបែប Super Slo-Mo នៅល្បឿន ៩៦០ ប្លង់/វិនាទី និងថតវីដេអូបានកម្រិត 4K។
កាមេរ៉ាភ្លោះនេះកាន់តែវៃឆ្លាតជាងមុន ដោយមានបំពាក់នូវបច្ចេកវិទ្យា AI អាចប្រែប្រួល Settings នៃរូបភាពឲ្យកាន់តែទាក់ទាញ ដោយផ្អែកលើស្ថានភាពជាក់ស្ដែង។ ឧទាហរណ៍ថាពេលថតពពកវានឹងធ្វើឲ្យពណ៌នៃពពកកាន់តែខៀវដិត និង ណែនាំពីរូបដែលព្រាលជាដើម។
ប៊ិច S-Pen លើ Note 9 កាន់តែពិសេសលើសពីមុន ដោយមានបំពាក់នូវប្រព័ន្ធ Bluetooth ហេតុនេះអាចប្រើធ្វើជាតេឡេបញ្ជា ដូចជាបញ្ជាថតរូប, បញ្ជាផ្ទាំង Slide និង បញ្ជាមុខងារផ្សេងៗទៀតតាមកម្មវិធីនីមួយៗ។
Galaxy Note 9 នឹងមានលក់លើទីផ្សារធំៗលើសកលលោកចាប់ពីថ្ងៃទី ២៤ ខែសីហានេះ ដោយលើទីផ្សារសហរដ្ឋអាមេរិកមានតម្លៃ ដុល្លារ ដល់ ដុល្លារ៕
ខាងក្រោមជាលក្ខណៈសម្បត្តិផ្សេងទៀតរបស់ Galaxy Note 9 ៖