ប្រើជំនាន់ទី ៨ មិនទាន់បានស្រួលបួលផង Intel គ្រោងចេញ CPU ជំនាន់ទី ៩ ទៀតបាត់!

2018-08-13 07:43:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាក្យចចាមអារ៉ាមបានលើកពីក្រុមហ៊ុនផលិត CPU ធំជាងគេលើលោក Intel គ្រោងបញ្ចេញនូវ CPU ជំនាន់ទី ៩ ថ្មីបំផុតរបស់ខ្លួន នាដើមខែតុលាឆ្នាំ ២០១៨ នេះហើយ។

ផលិតផលជំនាន់ថ្មីរបស់ Intel ជាប្រភេទ Refresh Version ដែលនៅតែប្រើស្ថាបត្យកម្ម Coffee Lake (Coffee Lake Architecture) ដែលមានទំហំ ១៤ ណាណូម៉ែត្រដដែល ព្រោះស្ថាបត្យកម្ម Cannon Lake ដែលផលិត CPU ទំហំ ១០ ណាណូម៉ែត្រថ្មីនោះ ត្រូវពន្យារពេលចេញដល់ទៅឆ្នាំ ២០១៩ ឯណោះ។ យ៉ាងណាមិញ ឈីប CPU ស៊េរីថ្មីជំនាន់ទី ៩ នេះ អាចនឹងចេញមក ៣ ស៊េរីដែលមាន Core i9, Core i7 និង Core i5 ដែលមានចំនួនគ្រាប់ (core) ដល់ទៅ ៨ ឯណោះ។

តាមការលេចឮមកទៀតនោះ CPU Intel Core i9-9900K ដែលជាប្រភេទ CPU កំពូលរបស់ Desktop ក្នុងជំនាន់ទី ៩ នេះ នឹងមាន ៨ cores អាចបំបែកជា ១៦ threads ហើយវានឹងមាន Cache L3 ដែលនឹងមានទំហំរហូតដល់ ១៦ MB ភ្ជាប់ជាមួយនឹងក្រាហ្វិកកាតស្រាប់ Intel UHD 620។ មិនត្រឹមតែ Intel Core i9 ទេ ដែលនឹងទទួលបានការដំឡើងដល់ ៨ cores នោះ សូម្បីតែ Intel Core i7 ក៏នឹងមានប្រភេទ ៨ cores ៨ threads ដែរ ហើយ Intel Core i5 នឹងមាន CPU ៦ cores ៦ threads។

តាមរបាយការណ៍បន្ថែម ក្រុមហ៊ុន Intel នឹងធ្វើការបញ្ចេញលក់ CPU ប្រភេទ Unlocked ដែលអាច overclock បាន ហើយ CPU ប្រភេទផ្សេងៗ នឹងបញ្ចេញលក់នាឆ្នាំក្រោយ។ ដូចនេះ អ្នកប្រើប្រាស់កុំព្យូរទ័រទាំងឡាយ អាចនឹងត្រូវរង់់ចាំប្រភេទ CPU ជំនាន់ទី ៩ ដែលត្រូវនឹង Motherboard របស់ខ្លួនប៉ុន្មានខែក្រោយមកទៀត។

ចុចអាន៖

ប្រភព៖ theverge ប្រែសម្រួល៖ ផាត សុវត្ថិ