Mane តាមទាន់កំណត់ត្រាចាស់វស្សា ក្រោយស៊ុតចូល ២ គ្រាប់ក្នុងប្រកួតម្សិលមិញ
- 2018-08-13 11:31:13
- ចំនួនមតិ 0 | ចំនួនចែករំលែក 0
Mane តាមទាន់កំណត់ត្រាចាស់វស្សា ក្រោយស៊ុតចូល ២ គ្រាប់ក្នុងប្រកួតម្សិលមិញ
ចន្លោះមិនឃើញ
ខ្សែស្លាប Sadio Mane បានតាមទាន់កំណត់ត្រារបស់អតីតខ្សែស្លាប របស់ Liverpoolម្នាក់ គឺអតីតកីឡាករ John Barnes។
ការស៊ុតចូល ២ គ្រាប់លើក្លឹប West Ham United ក្នុងប្រកួតបើកឆាករបស់ក្លឹប Liverpool កាលពីយប់ម្សិលមិញ មានន័យថា Mane ធ្វើបានសម្រេចក្នុងការស៊ុតចូលក្នុងប្រកួតបើកឆាកឲ្យក្លឹបក្នុងរយៈពេល ៣ រដូវកាលជាប់ៗគ្នា។ កាលពីរដូវកាល ២០១៦/១៧ កីឡាករបានស៊ុតចូល ១ គ្រាប់ ក្នុងប្រកួតបើកឆាកដែលហង្សក្រហមបានយកឈ្នះ Arsenal ក្នុងលទ្ធផល ៤ ទល់នឹង ៣។ នៅរដូវកាល ២០១៧/១៨ ខ្សែស្លាបសេណេហ្គាល់ បានស៊ុតចូលមួយគ្រាប់ ក្នុងប្រកួតបើកឆាកមួយទៀត ដែល Liverpool បានស្មើជាមួយក្លឹប Watford ក្នុងលទ្ធផល ៣ ទល់នឹង ៣។
កីឡាករក្លឹប Liverpool ចុងក្រោយ ដែលអាចធ្វើបានបែបនេះ គឺ John Barnes ពីចន្លោះរដូវកាល ១៩៨៩/១៩៩០ ដល់ ១៩៩១/១៩៩២។
សូមបញ្ជាក់ផងដែរថា កាលពីយប់ម្សិលមិញ Liverpool បានយកឈ្នះ ៤ ទល់នឹង ០ លើក្លឹប West Ham ក្នុងប្រកួតបើកឆាក Premier League រដូវកាល ២០១៨/១៩ របស់ខ្លួន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
