ឈិត សេរីវណ្ណថង លើកឡើងពីផ្លែគ្រោះថ្នាក់របស់ ឡុង ជិន មុនប៉ះគ្នាវគ្គផ្ដាច់ព្រ័ត្រ
- 2018-08-14 06:26:42
- ចំនួនមតិ 0 | ចំនួនចែករំលែក 0
ឈិត សេរីវណ្ណថង លើកឡើងពីផ្លែគ្រោះថ្នាក់របស់ ឡុង ជិន មុនប៉ះគ្នាវគ្គផ្ដាច់ព្រ័ត្រ
ចន្លោះមិនឃើញ
អ្នកប្រដាល់មកពីខេត្តបាត់ដំបង ឈិត សេរីវណ្ណថង សរសើរពីស្នៀតគ្រោះថ្នាក់របស់ ឡុង ជិន ថាល្អធាក់ ល្អជង្គង់ និងល្អកែង ប៉ុន្តែខ្លួននឹងខំប្រឹងប្រែងហ្វឹកហាត់ដើម្បីត្រៀមទប់ទល់និងស្នៀតទាំងអស់នេះនាថ្ងៃផ្ដាច់ព្រ័ត្រចុងសប្ដាហ៍នេះ។
សេរីវណ្ណថង ប្រាប់ឲ្យដឹងថា បើនិយាយពីអារម្មណ៍បានឈានដល់វគ្គផ្ដាច់ព្រ័ត្រខ្សែក្រវាត់ខារ៉ាប៉ាវនេះ គឺត្រេកអរខ្លាំងណាស់ ព្រោះអីជាលើកទី១បានលេងខ្សែក្រវាត់ ហើយថែមទាំងអាចឡើងដល់វគ្គចុងក្រោយទៀតផង។
និយាយដល់សមត្ថភាពដៃគូវិញ ម្ចាស់មេដាយប្រាក់កីឡាជាតិលើកទី២ខាងលើនេះប្រាប់បែបនេះថា សិស្សច្បង ឡុង ជិន គឺល្អស្នៀតទាំងអស់ មិនថាកែង ជង្គង ឬធាក់ បានមួយឈុតតែម្ដង។ ប៉ុន្តែយ៉ាងណាមិញ ខ្លួនប្ដេជ្ញាថា នឹងខំប្រឹងប្រែងហ្វឹកហាត់ ក៏ដូចជាប្រកួតដណ្ដើមជ័យជម្នះហើយយកខ្សែក្រវាត់ជូនអ្នកបាត់ដំបងក៏ជាមិត្តរួមថ្នាក់ គ្រូនាយក និងឪពុកផងដែរ។
ឈិត សេរីវណ្ណថង នឹងត្រូវប្រកួតវគ្គផ្ដាច់ព្រ័ត្រខ្សែក្រវាត់ខារ៉ាប៉ាវ ទម្ងន់ ៥៧គីឡូក្រាម នៅសង្វៀនអាស៊ីអាគ្នេយ៍ ថ្ងៃសៅរ៍ ទី១៨ ខែសីហា ឆ្នាំ២០១៨ ចាប់ពីម៉ោង ២រសៀលតទៅ។ សម្រាប់អ្នកឈ្នះខ្សែក្រវាត់នឹងទទួលបានប្រាក់ ៥ពាន់ដុល្លារ៕