ពេជ្រ ម្ទេសខ្មាំង ដៃនៅតែធ្ងន់ បើភ្លាត់ឲ្យត្រូវហើយដឹងតែសន្លប់
- 2018-08-14 04:13:24
- ចំនួនមតិ 0 | ចំនួនចែករំលែក 0
ពេជ្រ ម្ទេសខ្មាំង ដៃនៅតែធ្ងន់ បើភ្លាត់ឲ្យត្រូវហើយដឹងតែសន្លប់
ចន្លោះមិនឃើញ
អ្នកប្រដាល់រហ័សរហួន ពេជ្រ ម្ទេសខ្មាំង បើទោះជាអាក់ខានឡើងសង្វៀនជាង៣ខែមែន ប៉ុន្តែនៅតែបង្ហាញទម្រង់ប្រកួតបានយ៉ាងល្អ ខណៈស្នៀតកណ្ដាប់ដៃនៅតែល្អ និងមានទម្ងន់ដដែល ក្រោយផ្ដួលកីឡាករថៃឲ្យសន្លប់កាលពីថ្ងៃសៅរ៍សប្ដាហ៍មុននេះ។
កីឡាករដែលគេទទួលស្គាល់ថាល្អកណ្ដាប់ដៃរូបនេះ ពិតជាធ្វើបានល្អមែនទែន នាជំនួបមិត្តភាពអន្តរជាតិកាលពីថ្ងៃសៅរ៍ ដែលជាការប្រកួតលើកទី១នៃការវិលចូលសង្វៀនគុនខ្មែរជាថ្មីវិញ បន្ទាប់ពីសម្រាកអស់ពេលប្រហែល៣ខែកន្លងទៅ។ ត្រឹមទឹកទី១ប៉ុណ្ណោះ ពេជ្រ ម្ទេសខ្មាំង ទាត់ឲ្យកីឡាករថៃឈឺជើងឆ្វេង និងត្រូវអាជ្ញាកណ្ដាលទៀតផង។
ចូលដល់ទឹកទី២បន្តទៀត អ្នកប្រដាល់ឆ្លងដែនពីថៃ ព្យាយាមចូលទៅវ៉ៃដើម្បីយកពិន្ទុវិញ ព្រោះត្រូវអាជ្ញាកណ្ដាលវ៉ៃម្ដងហើយ ប៉ុន្តែការចូលទៅវ៉ៃនិងទាត់នោះមិនសូវជាបានផលនោះឡើយ ពោលក៏ត្រូវនិងកណ្ដាប់ដៃរបស់កីឡាករកម្ពុជាខាងលើពេញៗរហូតសន្លប់មិនអាចបន្តការប្រកួតត្រឹមទឹកទី២នេះតែម្ដង។
រំលឹកដែរថា អ្នកប្រដាល់ ពេជ្រ ម្ទេសខ្មាំង អាក់ខានឡើងសង្វៀនគុនខ្មែរប្រហែល៣ខែមកហើយ បន្ទាប់ពីរូបគេមានបញ្ហាចង្កេះ និងប្រកួតមិនសូវបានល្អក្នុងកម្មវិធីខ្សែក្រវាត់ទម្ងន់ ៥៧គីឡូក្រាម រួមទាំងប្រកួតមិត្តភាពអន្តរជាតិផងនោះ។ ប្រកួតជាថ្មីលើកទី១របស់អ្នកប្រដាល់កម្ពុជាខាងលើនេះ ផ្ដួលកីឡាករថៃ Khun Sueklek ឲ្យសន្លប់នៅទឹកទី២ ក្នុងកម្មវិធីពានរង្វាន់ TV5 កាលពីថ្ងៃសៅរ៍ ទី១១ ខែសីហា ២០១៨៕