Griezmann យល់ថា ការសម្រេចចិត្តបន្តនៅ Atletico គឺជាការសម្រេចចិត្តមិនខុស

2018-08-16 11:54:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងថ្ងៃនេះ ខ្សែប្រយុទ្ធ Antoine Griezmann បាននិយាយថា ការសម្រេចចិត្តបន្តរួមរស់ជាមួយ Atletico Madrid គឺជាការសម្រេចចិត្តដ៏ត្រឹមត្រូវ។

កីឡាករបានថ្លែងប្រាប់អ្នកសារព័ត៌មានថា៖ "ខ្ញុំបន្តនៅលេងឲ្យក្លឹប ពីព្រោះខ្ញុំយល់ថា ក្លឹបមានគម្រោងល្អច្បាស់លាស់។ ខ្ញុំជឿក្លឹបមួយនេះ និងលោកអ្នកចាត់ការ Simone។ ថ្ងៃនេះ ដូចអ្នកបានឃើញស្រាប់ហើយ ការសម្រេចចិត្តក្នុងការបន្តនៅជាមួយក្លឹបរបស់ខ្ញុំ គឺមិនខុសនោះទេ"។

Griezmann បានបញ្ជាក់ទៀតថា៖ "នៅមានផ្លូវវែងឆ្ងាយទៀតដែលក្លឹបត្រូវឆ្លងកាត់ ដូច្នេះពួកយើងត្រូវបានបន្តខិតខំតទៅទៀត"។

សូមបញ្ជាក់ផងដែរ នៅមុនព្រឹត្តិការណ៍ World Cup ខ្សែប្រយុទ្ធបារាំង Griezmann បានប្រកាសជាសាធារណៈថា ខ្លួននឹងបន្តលេងឲ្យក្លឹប Atletico Madrid។ នាពេលកន្លងទៅ ក្លឹប Barcelona ត្រូវបានរាយការណ៍ថា មានការចាប់អារម្មណ៍ខ្លាំងក្នុងការទិញកីឡាករ។

ឆ្នាំ ២០១៨ អាចរាប់បានថា ជាឆ្នាំជោគជ័យមួយក្នុងអាជីព Griezmann។ ខ្សែប្រយុទ្ធបានឈ្នះពាន Europa League កាលពីខែឧសភា ខណៈបានឈ្នះ World Cup នៅរយៈពេល ២ ខែក្រោយមក។ Griezmann ក៏ទើបតែបានឈ្នះពាន UEFA Super Cup ក្នុងថ្ងៃនេះ ក្រោយក្លឹប Atletico Madrid បានយកឈ្នះ Real Madrid ក្នុងលទ្ធផល ៤-២៕