ចិន ចង់វ៉ាផ្ដាច់អាមេរិកក្លាយជាមហាអំណាចពិភពលោក

2018-08-17 02:15:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសចិនកំពុងពង្រីកឥទ្ធិពលរបស់ខ្លួននៅប្រទេសជុំវិញពិភពលោកក្នុងគោលបំណងវាយបំបាក់អាមេរិកក្លាយជាមហាអំណាចពិភពលោក។

យោងតាមមន្ត្រីភ្នាក់ងារ CIA លោក Michael Collins ឲ្យដឹងកាលពីថ្ងៃសុក្រថា "ប្រធានាធិបតីចិនលោក Xi Jinping និងរបបរបស់លោក កំពុងធ្វើសង្គ្រាមត្រជាក់ជាមួយអាមេរិក។ នៅចុងបញ្ចប់ ពួកគេចង់ឲ្យប្រទេសទាំងអស់ជុំវិញពិភពលោក ងាកមកគាំទ្រចិនជាជាងអាមេរិកនៅពេលដែលសម្រេចចិត្តលើបញ្ហានយោបាយ។"

(មន្ត្រីភ្នាក់ងារ CIA លោក Michael Collins)

ជាមួយគ្នាដែរ នាយក FBI លោក Christopher Wray ឲ្យដឹងកាលពីថ្ងៃពុធថា "ខ្ញុំគិតថាប្រទេសចិន គឺជាប្រទេសដែលមានការប្រកួតប្រជែងខ្ពស់ និងជាការគំរាមកំហែងដ៏ធំបំផុត ហើយលំបាកបំផុតរបស់អាមេរិក។”

(នាយក FBI លោក Christopher Wray)

ទោះយ៉ាងណាក៏ដោយ លោកបានបង្ហាញជំហរថាអាមេរិកគួរតែសម្រេចចិត្តថាតើចិនគឺជាសត្រូវពិតប្រាកដ ឬក៏គ្រាន់តែជាដៃគូរប្រកួតប្រជែងប៉ុណ្ណោះឬយ៉ាងណា។ បើមិនដូច្នោះទេ អាមេរិកគួរតែដាក់ដែនកំណត់មួយច្បាស់លាស់ឲ្យបានទាន់ពេលវេលា៕

ប្រភព៖ CNN ប្រែសម្រួល ៖ រ័ត្ន