ខ្លាចអតិថិជនអន់ចិត្ត Sony ធ្វើរូបក្រាហ្វិកពន្យល់(វីដេអូ)

2018-08-22 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Sony ដឹងថាគ្រប់គ្នាចង់ប្រើ Android Pie ហើយសន្យានឹងចេញត្រឹមខែ វិច្ឆិកាឆ្នាំនេះ។ ខណៈស្មាតហ្វូនដទៃបានភ្លក់បទពិសោធន៍ទៅហើយ Sony បានចេញក្រាហ្វិកទិន្នន័យបង្ហាញពីដំណើរការអាប់ដេត ដើម្បីជម្រះមន្ទិលហេតុផលការអាប់ដេត Android យឺតរបស់ខ្លួន។

មែនទែនទៅ នេះមកពីម៉ាស៊ីន ដែល Sony ត្រូវពង្រឹងប្រព័ន្ធ OS សម្រាប់ Hardware ដើម្បីប្រាកដត្រូវតាមស្តង់ដារប្រព័ន្ធ Android ថ្មី។

ដំណើរការអាប់ដេតប្រព័ន្ធលើស្មាតហ្វូនក្រុមហ៊ុនផ្សេង ក្រៅពី Google ក៏ប្រហែលមិនខុសគ្នាប៉ុន្មានដែរ។

ពេលមានកំណែទម្រង់ថ្មី

១) Platform Development Kit

ពីរបីសប្តាហ៍មុនពេលចេញជំនាន់ Android ថ្មី ខាង Google បានផ្ញើ Platform Development Kit (PDK) មកកាន់ក្រុមហ៊ុន ដើម្បីសិក្សាអភិវឌ្ឍ។

២) Build the Foundations

ការងារពិតប្រាកដនឹងចាប់ផ្តើម គឺការធ្វើឲ្យ Software ថ្មី ដំណើរការលើប្រព័ន្ធ។

៣) HAL

HAL (Hardware Abstraction Layer) ធ្វើយ៉ាងណាឲ្យរាល់ Chip ផ្សេងៗគ្នា អាចដំណើរការជាមួយ Software ថ្មី។

៤) Implement the Basics

បន្ទាប់ ជាការងាររបស់ Software Engineer សម្រាប់ដំណើរការមុខងារលើស្មាតហ្វូន រួមមាន៖

Phone calls
Messaging
Internet Connectivity

៥) មុខងារបន្ថែម

បន្ទាប់ បញ្ចូលមុខងារបន្ថែមរួមមាន៖

Lockscreen
Contacts
Music
Movies
Album
Camera
Smart Stamina
Xperia Assist
Email

៦) ការសាកល្បងខាងក្នុង

ចេញប្រើជំនាន់ថ្មីឲ្យបុគ្គលិកក្នុងក្រុមហ៊ុន ប្រើសាកល្បងប្រចាំថ្ងៃ ដើម្បីដោះស្រាយបញ្ហា ក្រែងបាត់មុខងារណាមួយ។

៧) ការសាកល្បងខាងក្រៅ

ក្នុងពេលជាមួយគ្នា ក៏មានការសាកល្បងពីអ្នកនៅខាងក្រៅ Sony ផងដែរ ផ្ដោតលើ ដំណើរការរលូន និងល្បឿន។ ក្រោយគ្រប់យ៉ាងឃើញថា មានការពេញចិត្ត ជាពេល Submit សម្រាប់យកវិញ្ញាបនបត្រ។

Certification និង Approval

៨) ត្រូវតាមស្តង់ដារខ្ពស់

ធានាថាគ្រប់យ៉ាង ត្រូវតាមស្តង់ដារបច្ចេកវិទ្យាដូចជា Bluetooth និង Wi-Fi ដោយចំណុចចម្បងធានាពីគុណភាព និងល្បឿនភ្ជាប់ប្រើ រាល់ Device។

៩) Hello Operator

Operator ជាដៃគូ មួយចំនួនប្រហែលត្រូវការជំនាន់ Software ជាក់លាក់ណាមួយ ក្នុងការសាកល្បង ផ្តល់ការអនុម័ត បើគ្រប់យ៉ាងដំណើរការ។

១០) ដាក់ចេញឲ្យប្រើប្រាស់

ពេលទទួលបានរាល់ វិញ្ញាបនបត្រ និង សេចក្តីសម្រេចពាក់ព័ន្ធនានា ក្រុមហ៊ុនអាចចេញជំនាន់ចុងក្រោយរបស់ Android ទៅកាន់អ្នកប្រើប្រាស់។

១១) ការត្រួតពិនិត្យបន្ថែម

ក្រោយចេញឲ្យប្រើប្រាស់ ក្រុមហ៊ុនបន្តត្រួតពិនិត្យ និង Support តាម Forums និងបណ្ដាញសង្គម។ ទិន្នន័យទាំងនេះ អាចមានប្រយោជន៍ ជួយក្រុមហ៊ុនចេញកំណែទម្រង់លើកក្រោយ៕