Kovacic៖ វាសំខាន់ណាស់សម្រាប់ខ្ញុំដែលអាចរកឃើញក្លឹប និងគ្រូដែលចង់បានខ្ញុំ
- 2018-08-20 12:04:59
- ចំនួនមតិ 0 | ចំនួនចែករំលែក 0
Kovacic៖ វាសំខាន់ណាស់សម្រាប់ខ្ញុំដែលអាចរកឃើញក្លឹប និងគ្រូដែលចង់បានខ្ញុំ
ចន្លោះមិនឃើញ
ក្នុងថ្ងៃនេះ ខ្សែបម្រើ Mateo Kovacic បាននិយាយថា ក្លឹប Chelsea និងអ្នកចាត់ការ Maurizio Sarri ជឿជាក់លើខ្លួន។
ក្នុងបទសម្ភាសន៍ជាមួយ Sport Klub TV ខ្សែបម្រើក្រូអាតបាននិយាយថា៖ "ខ្ញុំសប្បាយចិត្តនឹងជ័យជម្នះ (ទៅលើក្លឹប Arsenal)។ អ្វីដែលសំខាន់នោះ គឺក្រុមទាំងមូលលេងបានល្អ។ ខ្ញុំមានអារម្មណ៍ល្អ ហើយខំព្យាយាមហ្វឹកហាត់ដើម្បីពង្រីងសមត្ថភាពថែមទៀត"។
កីឡាករ Kovacic បានបន្ត៖ "វាសំខាន់ណាស់សម្រាប់ខ្ញុំ ក្នុងការរកឃើញក្លឹប និងអ្នកចាត់ការដែលចង់បានខ្ញុំ ក្រោយមិនសូវបានលេងជាប់លាប់នៅរយៈកាល ៣ ឆ្នាំចុងក្រោយនៅ Madrid។ ក្លឹប Chelsea ចង់បានខ្ញុំ ហើយអ្នកចាត់ការចង់បានខ្ញុំ។ ទាំងនេះហើយ ដែលខ្ញុំចង់បាន"។
នៅរយៈពេល ៣ ឆ្នាំនៅ ក្លឹប Real Madrid កីឡាករ Mateo Kovacic ច្រើនត្រូវបានប្រើជាកីឡាករបម្រុង និងមិនសូវបានលេងជាប់លាប់។ កាលពីដើមខែសីហានេះ ខ្សែបម្រើ បានមកចូលរួមជាមួយក្លឹបតោខៀវ ក្នុងនាមជាកីឡាករខ្ចីជើង។ កីឡាករបានបង្ហាញខ្លួនឲ្យក្លឹបថ្មី នៅ ៣០ នាទីចុងក្រោយក្នុងប្រកួតប៉ះជាមួយ Arsenal។
កីឡាករត្រូវបានមើលឃើញថា បានបង្ហាញទម្រង់លេងល្អក្នុងប្រកួតនោះ។ បើតាមការគណនារបស់ Squawka ខ្សែបម្រើ Kovacic បានធ្វើបានសម្រេច ១០០% ក្នុងការបញ្ជូនបាល់ឲ្យមិត្តរួមក្រុម៕