Man City ប្រសិនអ្នកចាំទីដៃទី១ Ederson របួស ក្រុមប្រាកដជាជួបទុក្ខធំ
- 2018-08-21 02:15:23
- ចំនួនមតិ 0 | ចំនួនចែករំលែក 0
Man City ប្រសិនអ្នកចាំទីដៃទី១ Ederson របួស ក្រុមប្រាកដជាជួបទុក្ខធំ
ចន្លោះមិនឃើញ
អ្នកចាំទីដៃទីពីររបស់ក្លឹប Manchester City កីឡាករ Claudio Bravo បានរងរបួសសាច់ដុំពេលហ្វឹកហាត់កាលពីម្សិលមិញ ធ្វើឲ្យលោក Pep Guardiola ព្រួយបារម្ភជាខ្លាំង។
Bravo បានមានបញ្ហាពេលហាត់នៅទីលាន City Football Academ ហើយតាមការសន្និដ្ឋានដំបូងបង្ហាញថា គេអាចសម្រាកដល់ទៅ៦ខែឯណោះ។ កីឡាករសញ្ជាតិឈីលីនឹងហោះហើរទៅកាន់ទីក្រុង Barcelona នៅដើមសប្ដាហ៍នេះដើម្បីធ្វើតេស្ដលើរបួស។
របួសនេះបានចោទជាបញ្ហាឲ្យ Guardiola ឈឺក្បាលជាខ្លាំង ព្រោះរដូវក្ដៅនេះ Man City បានលក់អ្នកចាំទីកម្រិតខ្ពស់ៗអស់ហើយដូចជា Joe Hart និង Angus Gunn សល់តែ Ederson, Bravo និងអ្នកចាំទីវ័យ២០ឆ្នាំ Daniel Grimshaw។ ដោយសារ Bravo របួសយូរបែបនេះ City គ្រោងហៅអ្នកចាំទីវ័យ១៩ដែលខ្ចីជើងទៅក្រុម NAC Breda ឲ្យត្រលប់មកវិញ៕