វុត្ថា លាន់លីង ប្រដាល់ផង លើកក្ដារកុងផ្លាកកេរផង មួយខែៗសល់ច្រើនដែរ
- 2018-08-21 03:02:34
- ចំនួនមតិ 0 | ចំនួនចែករំលែក 0
វុត្ថា លាន់លីង ប្រដាល់ផង លើកក្ដារកុងផ្លាកកេរផង មួយខែៗសល់ច្រើនដែរ
ចន្លោះមិនឃើញ
អ្នកប្រដាល់គុនខ្មែរ វុត្ថា លាន់លីញ ក្រៅតែពីអាជីពប្រដាល់ គេមានរបបជាកម្មករលើកក្ដារកុងផ្លាកកេរនៅក្បែរស្ពានជ្រោយចង្វាផងដែរ ហើយបើសរុបប្រាក់ចំណូលវិញ គឺសមរម្យមិនលំបាកនោះទេជាមួយប្រពន្ធ។
វុត្ថា លាន់លីញ បានឲ្យដឹងថា សម្រាប់សព្វថ្ងៃនេះចំពោះជីវភាពក្រុមគ្រួសារគឺសមរម្យ មិនជាលំបាកអ្វីនោះទេ ព្រោះអីមានប្រាក់ចំណូលគួរសមដែរទាំងការងារប្រដាល់ និងអាជីពជាកម្មករលើកក្ដារកុងផ្លាកកេរ។
អ្នកប្រដាល់ដើមកំណើតពីខេត្តបន្ទាយមានជ័យរូបនេះបន្ថែមថា ការងារជាកម្មករលើកក្ដារកុងផ្លាកកេរនេះ គឺចាប់ផ្ដើមពីម៉ោង ៧ព្រឹក រហូតដល់ម៉ោង ២រសៀលទើបចប់ ចំណែកថ្លៃពលកម្មវិញបាន៥ម៉ឺនរៀលក្នុងមួយថ្ងៃ។ រីឯប្រដាល់វិញ បេក្ខភាពដណ្ដើមពានរង្វាន់ TV5 ម្នាក់នេះអាចឡើងបាន២ដងដែរក្នុងមួយខែ ហើយគិតជាលុយប្រហែល៣០០ដុល្លារ។ បន្ទាប់ពីចំណាយផ្សេងទៅអ្នកលេងគុនខ្មែរខាងលើសល់ខ្ទង់ ៣០០ ទៅ ៤០០ដុល្លារ ក្នុងមួយៗខែ។
វុត្ថា លាន់លីញ ជាអ្នកប្រដាល់មកពីក្លឹបអង្គរគុនខ្មែរ បច្ចុប្បន្នជាបេក្ខភាពម្នាក់ដណ្ដើមពានរង្វាន់ TV5 លើប្រភេទទម្ងន់៦០គីឡូក្រាម។ កាលពីថ្ងៃសៅរ៍សប្ដាហ៍មុននេះគេឈ្នះពិន្ទុ តាំង តាក់ បានឡើងទៅវគ្គជុំទី៣បន្តទៀត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
