ពិតជាសោកស្តាយ ឈិត សេរីវណ្ណថង អត់បានទៅប្រឡងបាក់ឌុប ព្រោះ...

2018-08-20 08:43:22
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេង ឈិត សេរីវណ្ណថង ពិបាកចិត្ត មិនបានទៅចូលរួមប្រឡងបាក់ឌុបឆ្នាំនេះនោះទេ ព្រោះមិនមានទំនុកចិត្តលើខ្លួនឯង។

កីឡាករ ឈិត សេរីវណ្ណថង

បើតាមការឲ្យដឹងពីឪពុក ឈិត សេរីវណ្ណថង ប្រាប់ថា កូនប្រុសរបស់លោកមិនបានទៅប្រឡងបាក់ឌុបនោះឡើយ មូលហេតុដោយសារ រូបគេមិនមានទំនុកចិត្ត រវល់តែហ្វឹកហាត់ប្រដាល់ច្រើន ជាពិសេសត្រៀមការប្រកួតខ្សែក្រវាត់នៅសង្វៀនអាស៊ីអាគ្នេយ៍កន្លងទៅថ្មីៗនេះ។

កីឡាករ ឈិត សេរីវណ្ណថង

ឪពុកម្ចាស់មេដាយប្រាក់កីឡាជាតិខាងលើនេះ ពិតជាមានការសោកស្ដាយណាស់ ដែលកូនមិនបានទៅប្រឡងបែបនេះ ប៉ុន្តែឆ្នាំក្រោយនេះ លោកនឹងឲ្យកូនរៀនបន្តទៀត។ ចំណែកប្រដាល់នៅតែប្រកួត ប៉ុន្តែជិនដល់ប្រឡង ៥-៦ ខែ គឺផ្អាកប្រដាល់សិនឲ្យរៀនត្រៀមវិញម្ដង។

មណ្ឌលប្រឡងរបស់ វណ្ណថង

កីឡាករ ឈិត សេរីវណ្ណថង ជាជើងឯករងខ្សែក្រវាត់ខារ៉ាប៉ាវ ទម្ងន់ ៥៧គីឡូក្រាម បន្ទាប់ពីចាញ់ពិន្ទុ ឡុង ជិន កាលពីថ្ងៃសៅរ៍ ទី១៨ ខែសីហា ប៉ុន្មានថ្ងៃនេះ។ អ្នកលេងគុនខ្មែររូបនេះត្រូវប្រឡងនៅមណ្ឌលសាកលវិទ្យាល័យបាត់ដំបង បន្ទប់លេខ៣៤៕

អត្ថបទ៖ នួន ស៊ីណា