ស្នៀតវ៉ៃឥដ្ឋតាន់ ៤ដុំ របស់កីឡាករហាប់គីដូ ខ្លាំងមិនធម្មតា
- 2018-08-20 06:52:44
- ចំនួនមតិ 0 | ចំនួនចែករំលែក 0
ស្នៀតវ៉ៃឥដ្ឋតាន់ ៤ដុំ របស់កីឡាករហាប់គីដូ ខ្លាំងមិនធម្មតា
ចន្លោះមិនឃើញ
កីឡាករខ្សែក្រវាត់ខ្មៅ ៣ដាន់ របស់ហាប់គីដូ ពិតជាអស្ចារ្យខ្លាំងណាស់ បន្ទាប់ពីសម្ដែងវ៉ៃឥដ្ឋតាន់រហូតដល់ទៅ៤ដុំ និងមានស្នៀតពិសេសៗច្រើនទៀត នាកម្មវិធីសិក្ខាសាលាបង្ហាញក្បាច់មួយចំនួនដែលរូបគេធ្លាប់រៀននៅប្រទេសកូរ៉េខាងត្បូង។
កីឡាករ ជា វ៉ាន់សាន្ត បានឲ្យដឹងថា រូបគេចូលហ្វឹកហាត់កីឡាហាប់គីដូ នេះតាំងពីឆ្នាំ២០០៥ មកម្ល៉េះ និងបានបន្តហ្វឹកហាត់នៅឯប្រទេសកូរ៉េខាងត្បូងទៀត បន្ទាប់ពីខ្លួនជាប់ជាពលករនៅទីនោះរហូតបានខ្សែក្រវាត់ខ្មៅ៣ដាន់។ ចំពោះការហ្វឹកហាត់នៅទីនោះ បុរសវ័យ៣៥ឆ្នាំខាងលើ ប្រាប់ថាមិនសូវជាលំបាកដូចនៅកម្ពុជាឡើយ ព្រោះអីមានគេមានកន្លែងហ្វឹកហាត់ត្រឹមត្រូវ មានសម្ភារគ្រប់គ្រាន់។ ចំណែកក្បាច់ស្នៀតវិញគឺមានការរីកចម្រើនជាងកម្ពុជា។
ពលករផ្នែកឧស្សាហកម្មរូបនេះបន្ថែមថា ចំពោះស្នៀតវ៉ៃបំបែកឥដ្ឋនេះ គឺខ្លួនមានឌុងតាំងពីមុនហ្វឹកហាត់មកម្ល៉េះ ដោយសារដៃស្ដាំរបស់ខ្លួនមានទម្ងន់ផង រួមផ្សំនិងការព្យាយាមហ្វឹកហាត់កម្លាំងដៃទៀតនោះ ទើបធ្វើឲ្យខ្លួនអាចវ៉ៃបំបែកបានស្រួលបែបនេះ។
បញ្ជាក់ផងដែរថា កម្មសិក្ខាសាលាបង្ហាញស្នៀតពិសេសៗរបស់កីឡាហាប់គីដូ នេះបានចូលរួមសម្ដែងពីកីឡាករ៤រូប ដែលបានសិក្សាផ្ទាល់ពីប្រទេសកូរ៉េខាងត្បូង រួមនិងកីឡាករដែលកំពុងហ្វឹកហាត់ក្នុងស្រុកផងដែរ។ កម្មវិធីខាងលើនេះក៏បានការផ្ដល់កិត្តិយសពីឯកឧត្ដម ម៉ក់ សំអុល ប្រធានសហព័ន្ធផ្ទាល់ និងឯកឧត្ដម ជា ប៊ុនហេង ប្រធានអង្គភាពកីឡាក្រសួងមហាផ្ទៃផងដែរ៕