ប្រធានសហព័ន្ធតេក្វាន់ដូ-ITF៖ ចេញទៅ គឺចេញទៅប្រកួត មិនមែនទៅរាំរបាំទេ
- 2018-08-20 03:09:47
- ចំនួនមតិ 0 | ចំនួនចែករំលែក 0
ប្រធានសហព័ន្ធតេក្វាន់ដូ-ITF៖ ចេញទៅ គឺចេញទៅប្រកួត មិនមែនទៅរាំរបាំទេ
ចន្លោះមិនឃើញ
ប្រធានសហព័ន្ធតេក្វាន់ដូ-ITF ផ្ដាំផ្ញើដល់យុវជនថ្នាលនាការចេញដំណើរទៅប្រកួតជើងឯកពិភពលោកលើកទី១៣នៅប្រទេសបេឡារូស ថា ត្រូវជឿជាក់លើខ្លួនឯងនៅពេលប្រកួត មិនត្រូវតកស្លុត ភ័យនៅពេលឮថាប៉ះអ្នកខ្លាំងនោះឡើយ។
ឯកឧត្ដម កែវ រ៉េមី ប្រធានសហព័ន្ធតេក្វាន់ដូ- ITF បានឲ្យដឹងថា ចំពោះប្រធានប្រតិភូកីឡាករត្រូវមើលថែរក្សាសុខភាពពួកគេមែនទែន ចំពោះការហូបចុកនៅពេលធ្វើដំណើរ ឬការហូបចុកនៅទីនោះ ជៀសវាងមានជំងឺ ដែលអាចប៉ះពាល់ដល់ការប្រកួត។
ប្រធានសហព័ន្ធរូបនេះបន្ថែមថា ប្រសិនបើពួកគេធ្វើមិនបានលទ្ធផលល្អ ដូចទៅនិងអ្វីដែលចង់បាននោះ សូមកុំបន្ទោស ព្រោះអីកីឡាករខ្លះជាយុវជនថ្មីថ្មោង មិនទាន់សូវមានបទពិសោធ ហើយក៏ត្រូវតែជួយជំរុញលើកទឹកបន្ថែមទៅវិញ។
អតីតម្ចាស់ខ្សែក្រវាត់ខ្មៅមកពីអាមេរិកខាលើនេះ ក៏បញ្ជាក់ទៅដល់កីឡាករទាំង៧រូបទៀតថា ពេលប្រកួតត្រូវមានភាពឆ្លាតវៃ ភ្នែកត្រូវឧស្សាហ៍មើល Screen ពិន្ទុ ថាតើគួរសម្រេចវ៉ៃយកពិន្ទុបន្តទៀត ឬក៏ត្រឹមប្រើស្នៀតទប់ៗយកឈ្នះតែម្ដង។ ស្មារតីនៅពេលប្រកួត ត្រូវតែរឹងមាំជានិច្ច មោះមុតក្លាហាន មិនតក់ស្លុត នៅពេលប៉ះម្ចាស់ដើមក្បាច់គុន ឬប្រទេសខ្លាំងៗមួយចំនួនឡើយ ដាច់ខាតត្រូវតែខំប្រឹងប្រកួត។
រំលឹកដែរថា កីឡាករយុវជនថ្នាលរបស់កម្ពុជាផ្នែកកីឡាតេក្វាន់ដូ-ITF ចំនួន៧នាក់ បានចេញដំណើរទៅប្រទេសបេឡារូសតាំងពីល្ងាចថ្ងៃសៅរ៍ ទី១៨ ខែសីហា ឆ្នាំ២០១៨ មកម្ល៉េះ ដើម្បីទៅចូលរួមប្រកួតជើងឯកយុវជនតេក្វាន់ដូពិភពលោកលើកទី១៣។ កីឡាករទាំង៧រូបនេះនឹងត្រូវប្រកួតនៅថ្ងៃទី២២ ដល់ ២៧ សីហា ទើបបញ្ចប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
