ឡាន Lexus 570 កៅអីអង្គុយ ៤ លក់នៅវៀតណាម ថ្លៃហួសប្រមាណ
- 2018-08-21 08:24:54
- ចំនួនមតិ 0 | ចំនួនចែករំលែក 0
ឡាន Lexus 570 កៅអីអង្គុយ ៤ លក់នៅវៀតណាម ថ្លៃហួសប្រមាណ
ចន្លោះមិនឃើញ
ថ្មីៗនេះរថយន្ត Lexus LX 570 ស៊េរីឆ្នាំ ២០១៨ ដែលមានកៅអីអង្គុយត្រឹម ២ ជួរបានលេចមុខនៅប្រទេសវៀតណាម ដោយមានតម្លៃថ្លៃរហូតដល់ប្រមាណ ៤៧០ ០០០ ដុល្លារឯណោះ។
តម្លៃនេះគឺថ្លៃជាងប្រភេទមានកៅអីអង្គុយ ៣ ជួរ ដោយ Lexus LX 570 ឆ្នាំ ២០១៨ កៅអីបីជួរមានលក់នៅវៀតណាមក្នុងតម្លៃប្រមាណ ៤៣៣ ០០០ ដុល្លារប៉ុណ្ណោះ។ មានតម្លៃជាងកៅអីបីជួរ ក៏ដោយសារប្រភេទកៅអីពីរជួរនេះ មានលក្ខណៈប្រណីតជាង មានបំពាក់ពូកស្បែកសាច់ទន់, កៅអីម៉ាស្សា និងមានប្រព័ន្ធកម្សាន្តល្អផុតលេខ។
រថយន្ត Lexus LX ប្រភេទនេះត្រូវបានច្នៃឡើងជាពិសេសដោយក្រុមហ៊ុន MBS Automotive របស់ទីក្រុងឌុយបៃ នៃសហភាពអារ៉ាប់រួម។ រថយន្តនេះត្រូវបានគេឲ្យឈ្មោះថា Lexus LX 570 MBS Autobiography Edition។
ការដកកៅអីអង្គុយចេញមួយជួរ ធ្វើឲ្យកៅអីអង្គុយជួរទីពីរកាន់តែមានទំហំធំទូលាយជាងមុន អាចបត់បែនមួយគាប់ចិត្ត។ នៅផ្នែកកណ្ដាលនៃកៅអីអង្គុយក្រោយក៏មានកន្លែងសម្រាប់ដាក់ដៃដ៏ធំ និងមានប៊ូតុងសម្រាប់បញ្ជាមុខងារផ្សេង។
រថយន្តប្រភេទពិសេសនេះនៅតែប្រើប្រាស់ម៉ាស៊ីនចំណុះ ៥,៧ លីត្រ មានស៊ីឡាំង ៨ មានកម្លាំង ៣៦៧ សេះ និងមានប្រអប់លេខស្វ័យប្រវត្តិ ៨ វគ្គ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
