ហ៊ុយ យ៉ាឡេង ទម្លាយតិចនិកផលិតភាពយន្តត្រូវចិត្តអ្នកទស្សនា
- 2018-08-21 23:25:00
- ចំនួនមតិ 0 | ចំនួនចែករំលែក 0
ហ៊ុយ យ៉ាឡេង ទម្លាយតិចនិកផលិតភាពយន្តត្រូវចិត្តអ្នកទស្សនា
ចន្លោះមិនឃើញ
ក្នុងកម្មវិធីអបអរការបើកដំណើរការកម្មវិធីទស្សនាភាពយន្តតាមទូរសព្ទ Soyo រយៈពេល១ឆ្នាំកន្លង ផលិតករ អ្នកដឹកនាំរឿង ហ៊ុយ យ៉ាឡេង ដែលភាពយន្តលោកទទួលបានជោគជ័យផ្ទួនៗ ប្រាប់ពីគន្លឹះផលិតភាពយន្តត្រូវចិត្តអ្នកទស្សនា និងការធ្វើទីផ្សារលក់ភាពយន្ត។
១.ការជ្រើសរើសប្រភេទរឿង៖ ឆ្លងកាត់ការបរាជ័យ ខាតចុងខាតដើមលើការផលិតភាពយន្តរឿងបែបកំប្លែងចំនួនពីររឿងកន្លងមក ធ្វើឱ្យរូបលោកពិចារណាឡើងវិញ លើការជ្រើសភាពយន្តឱ្យត្រូវចិត្តអ្នកទស្សនា។ ខណៈដែលការផលិតរឿងបែបភ័យរន្ធត់ជាទីផ្សារធំក្នុងវិស័យសិល្បៈកម្សាន្ត ដូចនេះហើយទើបផលិតករ ហ៊ុយ យ៉ាឡេង ផលិតរឿង «វិកលចរិត» ហើយយករឿងពិតដែលលោកធ្លាប់បានដឹង មកផលិតជារឿងភាពយន្ត ទីបំផុតរឿងមួយនេះទទួលបានភាពជោគជ័យ។
២.ការផ្សព្វផ្សាយឲ្យបានត្រឹមត្រូវ៖ មុនទទួលបានជោគជ័យ រឿង «វិកលចរិត» គ្មានអ្នកទស្សនាទេ១សប្តាហ៍ដំបូង ជាហេតុធ្វើឲ្យផលិតកររូបនេះ ពិតជាមានការអាក់អន់ចិត្តចិត្តជាខ្លាំង តែក្រោយពីសប្ដាហ៍ដ៏តានតឹងនោះកន្លងផុតទៅ សន្ទុះនៃការគាំទ្រក៏កើនឡើង។ ហេតុនេះទើបរូបលោក លើកឡើងថា ការចេះផ្សព្វផ្សាយភាពយន្តឱ្យបានត្រឹមត្រូវ ប្រាកដប្រជា ត្រូវចំគោលដៅជារឿងសំខាន់ដើម្បីជួយឱ្យមានការគាំទ្រ។
៣.គុណភាព៖ ព្យាយាមផលិតភាពយន្តឱ្យមានគុណភាព និងប្រើពេលវេលាឱ្យយូរក្នុងការតែងនិពន្ធ ពិសេសត្រូវចេះយកចំណុចអ្វីដែលថ្មី សំខាន់ ដែលទស្សនិកជនត្រូវការ ហើយត្រូវយល់ពីស្ថានភាពនៃការផ្សព្វផ្សាយភាពយន្តរបស់ខ្លួនផងដែរ។
ភាពយន្តរបស់ លោក ហ៊ុយ យ៉ាឡេង ដាក់ងារ មាតុចក្រ ទាំង២រឿងដែលទទួលបានជោគជ័យ មាន រឿង «វិកលចរិត» មានផ្សាយក្នុង App Soyo ហើយ រឿង «ធ្មប់» ដែលមានការគាំទ្រច្រើនបំផុតក្នុងដើមឆ្នាំ ២០១៨នេះ នឹងបង្ហាញខ្លួន ក្នុងកំឡុងពេលបុណ្យអ៊ុំទូក ឆ្នាំ ២០១៨ នេះខាងមុខនេះ៕