NX 200t F Sport ស៊េរី ២០១៥ មួយទឹក ដាក់លក់តម្លៃស្មើ RX330 គុណនឹងពីរ

2018-08-24 02:59:25
ចំនួនមតិ 0 | ចំនួនចែករំលែក 0

ចន្លោះមិនឃើញ

Lexus NX 200t ជាប្រភេទឡាន SUV ដែលកំពុងមានភាពពេញនិយមសម្រាប់ទីផ្សាយក្នុងស្រុក។ បើតាមការចុះសាកសួររបស់ Sabay តាមឃ្លាំងលក់រថយន្តមួយចំនួនឃើញថារថយន្ត Lexus ត្រកូន NX នេះត្រូវបានឈ្មួញនាំចូលមកលក់ច្រើនគួរសមមួយរយះចុងក្រោយនេះដោយសារតម្រូវការនៃការប្រើប្រាស់មានការកើនឡើង។

NX200t អាចចាប់ទុកជាប្រភេទរថយន្តដ៏ទំនើបសម្រាប់អ្នកមានទិញជិះ រួមជាមួយលក្ខណៈពិសេសជាច្រើនបានធ្វើឲ្យរថយន្តនេះកំពុងតែមានទីផ្សារក្នុងប្រទេសកម្ពុជា។ NX200t មានពីរប្រភេទ គឺ ប្រភេទធម្មតា និង F Sport គឺចំពោះរូបរាងខាងក្រៅមានលក្ខណៈស្រដៀងគ្នាខុសតែការតុបតែងមួយចំនួនប៉ុណ្ណោះ ដូចជា របាប៉ាណាខាងមុខ , កញ្ចក់ចំហៀង និង យ៉ាន់ ជាដើម។

បច្ចុប្បន្ន NX 200t F Sport ស៊េរីឆ្នាំ ២០១៥ មានតម្លៃប្រមាណជា ៦ ៥០០០ ដុល្លារ តាមប្រភពពីឃ្លាំងលក់រថយន្តអាឡាដាំង។ ចំពោះតម្លៃ NX 200t ប្រភេទធម្មតាវិញមានតម្លៃចន្លោះពី ៥ ម៉ីនទៅ ៦ ម៉ីន ដុល្លារ តាមស៊េរីឆ្នាំ គុណភាព តម្លៃសម្រាប់ទីផ្សារក្នុងស្រុក។

Lexus NX 200t មានកម្លាំងម៉ាស៊ីន ២៣៥ សេះ ម៉ាស៊ីនស៊ីឡាំងបួនទំហំ ២,០លីត្រ ចង្កឹះលេខ ៦វគ្គស្វ័យប្រវត្តិ។ ប៉ាណាខាងមុខបែបស្ព័រ កញ្ចក់ចំហៀងពណ៌ខ្មៅ យ៉ាន់ទំហំ ១៨ អ៉ីញ ប្រព័ន្ធបូមស្ព័រកាងមុខ និងរបាំងការពារភក់ផ្នែកចំហៀងបែបស្ព័រ ភ្ជាប់ជាមួយផ្លាក F Sport អំពូលកាត់អ័ព្ទ LED កៅអីស្ព័រ F Sport មានប្រព័ន្ធកម្ដៅកៅអី មានប្រព័ន្ធ Bluetooth ៕